Sanebimɔi ni jɛ Kanelɔi Adɛŋ
◼ Yohane 18:15 tsiɔ kaselɔ ko ni osɔfonukpa lɛ le Iɛ ta. Ani lɛ nɔŋŋ ji kaselɔ ni tsɔ hiɛ ejo foi “kɛ ehe yayai” ni abɔ he amaniɛ yɛ Marko 14:51, 52 lɛ?
Dabi, etamɔ nɔ ni mɔ ni osɔfonukpa lɛ le lɛ lɛ ji bɔfo Yohane, yɛ be mli ni kaselɔ Marko ji mɔ ni jo foi “kɛ ehe yayai” lɛ.
Kɛ wɔɔsusu saji nɛɛ ahe yɛ be ni amɛba mli lɛ naa lɛ, wɔjeɔ shishi yɛ Getsemane abɔɔ Iɛ mli. Bɔfɔi lɛ fee amɛnii kɛ gbeyeishemɔ beni amɔ Yesu Kristo lɛ. “Ni amɛ fɛɛ amɛjo foi amɛshi lɛ.” Kuku ni tsa nɔ yɛ Marko sane lɛ mli lɛ tsɔɔ nɔ kroko kwraa: “Ni obalanyo ko ni ekɛ klala ekete eyayaiaŋ nyiɛ sɛɛ, ni obalahii lɛ mɔ lɛ; shi eshi klala lɛ ni ejo foi kɛ ehe yayai.”—Marko 14:50-52.
Yɛ nɛkɛ gbɛ nɔ lɛ, akɛ bɔ ni bɔfoi 11 lɛ fee amɛnii kɛjɛ shishijee lɛ toɔ kaselɔ ni atsɛɛɛ egbɛi nɛɛ nɔ he, no hewɔ lɛ shishinumɔ yɛ mli akɛ aaamu sane naa akɛ ejeee bɔfoi lɛ ateŋ mɔ kome. Aŋma nɔ ni ba nɛɛ yɛ Sanekpakpa ni kaselɔ Yohane Marko, ni ji Barnaba nyɛkwɛ bi lɛ ŋma lɛ pɛ mli. No hewɔ lɛ, eja gbɛ akɛ aaanu shishi akɛ Marko ji nakai “obalanyo ko” ni yi mli akɛ eenyiɛ Yesu ni amɔ lɛ lɛ sɛɛ shi ejo foi ni eklala ni ekɛkete ehe lɛ bɛ ehe beni gbɔmɛi lɛ ka akɛ amɛbaamɔ lɛ hu lɛ.—Bɔfoi Iɛ Asaji 4:36; 12:12, 25; Kolosebii 4:10.
Beni shɛ he ko yɛ nakai nyɔɔŋ lɛ mli lɛ, bɔfo Petro hu nyiɛ Yesu sɛɛ, shi eha gbɛ hi amɛteŋ koni akana lɛ. Saji Iɛ je amɛhe yɛ shishinumɔ nɛɛ naa; obalanyo kaselɔ lɛ (Marko) yi mli akɛ eenyiɛ Yesu sɛɛ shi ewa, yɛ be mli ni sɛɛ mli lɛ bɔfoi ni jo foi Iɛ ateŋ mɛi enyɔ hu hala akɛ amɛaanyiɛ amɛnuŋtsɔ ni amɔ lɛ Iɛ sɛɛ lɛ. Wɔkaneɔ yɛ bɔfo Yohane sanekpakpa Iɛ mli akɛ: “Shi Simon Petro kɛ kaselɔ kroko hu nyiɛ Yesu sɛɛ. Shi osɔfonukpa lɛ le nakai kaselɔ lɛ, ni ekɛ Yesu bote osɔfonukpa lɛ mɔɔ te lɛŋ.”—Yohane 18:15.
Bɔfo Yohane kɛ gbɛi “Yohane” lɛ tsuɔ nii kɛ eewie Yohane Baptisilɔ lɛ he, shi kɛ eewie lɛ diɛŋtsɛ ehe lɛ, etsɛɛɛ egbɛi. Akɛ nɔkwɛmɔ nɔ lɛ, eŋma nɔ ko yɛ “kaselɔ ni yeɔ nii nɛɛ ahe odase . . . ni lɛ eŋma nii nɛɛ” Iɛ he. Nakai nɔŋŋ hu: “Mɔ ni na lɛ, Iɛ eye he odase nɛɛ, ni edase lɛ anɔkwa ni, ni ele akɛ anɔkwale ewieɔ” lɛ. (Yohane 19:35; 21:24) Kadimɔ Yohane 13:23 hu: “Shi kaselɔi lɛ ateŋ mɔ kome ni Yesu sumɔɔ Iɛ lɛ kpasa Yesu tsitsi.” Enɛ ba etsɛɛɛ ni amɔ Yesu lɛ. Yɛ sɛɛ mli yɛ nakai gbi lɛ nɔ lɛ, Yesu ni asɛŋ lɛ lɛ tsi kaselɔ kome ko, ni Yohane wie ehe yɛ gbɛ ni tamɔ nakai nɔŋŋ nɔ lɛ ta: “No hewɔ Iɛ beni Yesu na enyɛ kɛ kaselɔ ni esumɔɔ lɛ damɔ shi lɛ. [Yesu] kɛɛ enyɛ akɛ: ‘Awo, obi nɛ!’”—Yohane 19:26, 27; okɛto Yohane 21:7, 20 he.
Anaa nɛkɛ su ni yɔɔ ehe ni ji egbɛi ta ni etsiii nɛɛ he odaseyeli yɛ Yohane 18:15. Kɛfata he lɛ, awieɔ Yohane kɛ Petro he shikome yɛ shitee lɛ sɛɛ sane ni yɔɔ Yohane 20:2-8 Iɛ hu mli. Bɔ ni saji nɛɛ tsɔɔ lɛ haa aleɔ akɛ bɔfo Yohane ji “nakai kaselɔ kroko lɛ, [mɔ] ni osɔfonukpa lɛ le lɛ lɛ.” Biblia lɛ kɛ saji babaoo haaa yɛ bɔ ni fee ni bɔfo (Yohane) ni jɛ Galilea Iɛ bana ele osɔfonukpa lɛ, kɛ bɔ ni fee ni osɔfonukpa lɛ na ele Iɛ lɛ he. Shi le ni osɔfonukpa Iɛ shia lɛ mlibii lɛ le Yohane Iɛ ha enyɛ etsɔ shinaa naakwɛlɔ Iɛ he kɛbote kpo te lɛŋ ni enyɛ eha Petro hu bote mli.