• Hewalɛ ní Akɛfeɔ Nii Ekoŋŋ—Yehowa “Miifee Nii Fɛɛ Ehee”
    Tsi Obɛŋkɛ Yehowa

    • 3. Mɛɛ gbɛkpamɔ ní yɔɔ miishɛɛ akɛha yɛ Bɔfoi lɛ Asaji 3:21 lɛ, ni mɛɛ gbɛ nɔ Yehowa baatsɔ eha enɛ aba mli?

      3 Belɛ, kwɛ miishɛjemɔ ní eji akɛ wɔɔle Yehowa hewalɛ ní ekɛfeɔ nii ekoŋŋ lɛ he sane! Taakɛ wɔbaana lɛ, nɔ ni Nyɔŋmɔ baanyɛ afee, kɛ nɔ ni ebaafee ekoŋŋ eha ebii ní yɔɔ shikpɔŋ nɔ lɛ dara ni eyɛ naakpɛɛ diɛŋtsɛ. Yɛ anɔkwale mli lɛ, Biblia lɛ tsɔɔ akɛ Yehowa eto eyiŋ akɛ ‘ebaafee nibii fɛɛ ekoŋŋ.’ (Bɔfoi lɛ Asaji 3:21) Yehowa kɛ Mesia Maŋtsɛyeli lɛ, ní e-Bi, Yesu Kristo yeɔ nɔ maŋtsɛ lɛ, baatsu enɛ he nii. Odaseyeli tsɔɔ akɛ Maŋtsɛyeli nɛɛ bɔi nɔyeli yɛ ŋwɛi yɛ afi 1914.a (Mateo 24:3-14) Mɛni abaasaa afee ekoŋŋ lɛ? Nyɛhaa wɔsusua Yehowa nifeemɔi ní yɔɔ nyam ní ekɛsaa nibii ekoŋŋ lɛ ekomɛi ahe wɔkwɛa. Wɔbaanyɛ wɔna nibii nɛɛ ateŋ ekome ni wɔná mli niiashikpamɔ po. Ekrokomɛi baaba yɛ gbɛ ní da nɔ wɔsɛɛ.

  • Hewalɛ ní Akɛfeɔ Nii Ekoŋŋ—Yehowa “Miifee Nii Fɛɛ Ehee”
    Tsi Obɛŋkɛ Yehowa

    • a “Nibii fɛɛ agbɛjianɔtoo be lɛ” je shishi beni ato Mesia Maŋtsɛyeli lɛ ama shi ní akɛ Maŋtsɛ David anɔkwafo lɛ seshinyo tá maŋtsɛsɛi lɛ nɔ lɛ. Yehowa ewo David shi akɛ eseshinyo baaye maŋtsɛ kɛya naanɔ. (Lala 89:36-38) Shi beni Babilon kpata Yerusalem hiɛ yɛ afi 607 D.Ŋ.B. sɛɛ lɛ, adesa ko ni ji David seshinyo taaa Nyɔŋmɔ maŋtsɛsɛi lɛ nɔ. Yesu, ní afɔ́ lɛ yɛ shikpɔŋ nɔ akɛ David seshinyo lɛ, batsɔ Maŋtsɛ ní awo shi yɛ ehe jeeŋmɔ lɛ beni akɛ lɛ tá maŋtsɛsɛi nɔ yɛ ŋwɛi lɛ.