14. Te wɔbaafee tɛŋŋ wɔná wiemɔi kɛshɛje mɛi ni amɛsuɔlɔi egboi lɛ amii?

¹⁴ No hewɔ lɛ, ekolɛ ebaawa kɛhã wɔ akɛ wɔbaale nɔ ni wɔbaawie kɛshɛje mɛi ni agbo yɛ amɛnɔ lɛ amii. Shi Biblia lɛ kɛɔ akɛ, “nilelɔ lilɛi tsaa mɔ.” (Abɛi 12:18) Mɛi pii ena akɛ amɛbaanyɛ amɛkɛ saji ni yɔɔ broshuɔ ni yitso ji Beni Mɔ Ko ni Osumɔɔ Lɛ Egbo lɛ mli lɛ ashɛje mɛi krokomɛi amii.c Bei pii lɛ, nɔ ni hi fe fɛɛ ni obaanyɛ ofee kɛye obua ji, ni ‘okɛ mɛi ni foɔ lɛ baafo.’ (Rom. 12:15) Nyɛmi yoo ko ni atsɛɔ lɛ Gaby ni ewu egbo lɛ wie akɛ: “Bei pii lɛ, yaafo ji gbɛ ni mitsɔɔ nɔ mihãa mɛi leɔ bɔ ni minuɔ he mihãa yɛ mitsuiŋ. No hewɔ lɛ, kɛ́ minanemɛi lɛ fata mihe kɛfo lɛ, eshɛjeɔ mimii. Kɛ́ eba lɛ nakai lɛ, ehãa minuɔ he akɛ jeee mi kome miyeɔ awerɛho lɛ.”

20. Mɛɛ gbɛ nɔ Yehowa shiwoi lɛ shɛjeɔ wɔmii?

²⁰ Wɔsɛɛ lɛ, “mɛi fɛɛ ni yɔɔ gbohii akaimɔ bui lɛ amli lɛ baanu [Kristo gbee] ni amɛbaaje kpo”! (Yoh. 5:28, 29) Yehowa, miishɛjemɔ fɛɛ Nyɔŋmɔ lɛ baatsɔ enɛ nɔ eshɛje mɛi fɛɛ ni yeɔ awerɛho lɛ amii kɛya naanɔ. Nuŋtsɔ Yehowa ewo shi akɛ ‘ebaami gbele kɛaatee naanɔ,’ ni ebaatsumɔ “hiɛiaŋ fɛɛ yaafonui.” (Yes. 25:8) No beiaŋ lɛ, mɛi fɛɛ ni yɔɔ shikpɔŋ lɛ nɔ lɛ foŋ dɔŋŋ, moŋ lɛ, amɛkɛ ‘mɛi ni nyaa lɛ baanya.’​—Rom. 12:15.