Ani Okaiɔ?

Ani osusu Buu-Mɔɔ ni akala nyɛsɛɛ nɛɛ lɛ ahe waa? Kɛji nakai ni lɛ belɛ obaanyɛ okai saji ni nyiɛ sɛɛ nɛɛ:

◻ Ani Kristofoi ni afɔ amɛ mu lɛ ateŋ mɛi komɛi baaje “amanehulu kpeteŋkple” lɛ mli ni amɛhi shikpɔŋ nɔ yɛ be ko mli dani aŋɔ amɛ kɛya ŋwɛi?​—Kpojiemɔ 7:⁠14.

Biblia lɛ bɛ faŋŋ yɛ enɛ he. Etamɔ nɔ ni Biblia mli saji komɛi tsɔɔ akɛ mɛi ni afɔ amɛ mu lɛ baanyɛ ahi wala mli kɛyabote jeŋ hee lɛ mli. Shi, gbɔmɛi akpekpei abɔ ni yɔɔ hiɛnɔkamɔ akɛ amɛbaahi shi kɛya naanɔ yɛ shikpɔŋ nɔ lɛ ena tsɔsemɔ ni he hiaa ni baaha nitsumɔ aya nɔ yɛ jeŋ hee lɛ mli. No hewɔ lɛ, shwɛɛnii fioo lɛ ahe ebahiaŋ kɛhaŋ nitsumɔ nɛɛ, ni Nyɔŋmɔ baanyɛ aŋɔ amɛ kɛya ŋwɛi kɛha “Toobi lɛ yookpeemɔ lɛ” yɛ be mli ni akpata jamɔ mli ajwamaŋ “Babilon Kpeteŋkpele” Iɛ hiɛ lɛ sɛɛ. (Kpojiemɔ 18:​2, 10; 19:​2, 7, 8)​—8/15, baafa 31.

◻ Mɛni esa akɛ efee jwɛŋmɔ ni baaha mɔ ko kɛ etsui ama Kristofonyo nɔkwɛlɔ ni eeetsɔ Iɛ nɔ? (1 Timoteo 3:⁠1)

Esa akɛ nuu ashɛ nɔkwɛmɔ nitsumɔ he, ni efee nakai yɛ heshibaa mli ejaakɛ eesumɔ ni esɔmɔ mɛi krokomɛi. Kɛ kanyamɔi ni ja tsirɛ Iɛ nɛkɛ lɛ, nɔ ni baajɛ enifeemɔi nɛɛ amli aba ji jɔɔmɔi kɛha mɛi fɛɛ ni enɛ kɔɔ amɛhe lɛ.​—9/1, baafa 18.

◻ Mɛni hewɔ bɔfo Paulo nijiaŋ ejeee wui yɛ piŋmɔi ni ekɛkpe lɛ fɛɛ sɛɛ lɛ?

Paulo tsɔɔ mli akɛ: “Minyɛɔ nii fɛɛ mifeɔ yɛ mɔ ni wajeɔ mi ni ji Kristo lɛ mli.” (Filipibii 4:13) Paulo ebɔɔɔ mɔdɛŋ gbi ko gbi ko akɛ ekome eeetere ejatsui lɛ. Shi moŋ, ekwɛ Yehowa gbɛ koni ewaje lɛ. (Lala 55:23)​—9/1, baafa 30.

◻ Mɛni ji Paulo wiemɔi ni yɔɔ Efesobii 4:26 akɛ: “Nyɛmli afua, shi nyɛkafea esha” lɛ shishi?

Nɛkɛ wiemɔi nɛɛ kpɛlɛɔ nɔ akɛ mɔ ko mli baanyɛ afu yɛ gbɛ ni ja nɔ, shi kɛ ebalɛ nɛkɛ lɛ, mɔ lɛ akahiɛ ‘mlifu mli aahu ni eha hulu yanyɔ shi.’ (Efesobii 4:26) Mɛni hewɔ? Ejaakɛ enɛ baaha Abonsam ana hegbɛ ni ekɛ nakai mɔ Iɛ atsu nii, ekolɛ eeetsɔ eyiŋ ni efee mɔ ko fɔŋ ko, koni elaaje Nyɔŋmɔ nɔkpɛlɛmɔ. (Lala 37:⁠8. 9)​—9/15, baafa 21.

◻ Mɛɛ sɔrɔtofeemɔ agbo ko ka gbɛ ni Yehowa Odasefoi tsɔɔ nɔ amɛtsɔɔ nii Iɛ kɛ Kristendom osɔfoi anɔ Iɛ teŋ?

Yehowa Odasefoi damɔɔ hewalɛ ni yɔɔ Nyɔŋmɔ Wiemɔ lɛ mli lɛ nɔ amɛtsɔɔ nii, yɛ be mli ni Kristendom osɔfoi lɛ kɛ amɛnɔ damɔɔ wɔŋjamɔ mli blemasaji ni akɛha kɛjɛ Babilon kɛ Mizraim lɛ nɔ.​—10/1, baafa 25.

◻ Mɛɛ yiŋtoo ni he hiaa fe fɛɛ hewɔ ni Nyɔŋmɔ Bi lɛ ba shikpɔŋ nɔ Iɛ?

Yesu ba shikpɔŋ nɛɛ nɔ kɛ yiŋtoo akɛ eeba ni ebaha ana sane ni Satan tee lɛ shi ni kɔɔ jeŋ muu fɛɛ Maŋtsɛ ni Yehowa ji lɛ he lɛ naa.​—10/15, baafa 13.

◻ Yɛ be mli ni wɔtsɛɔ je Iɛŋ nɔyelɔi lɛ akɛ “hegbɛi ni yeɔ nɔ Iɛ,” ani wɔkɛ enɛ miigbala jwɛŋmɔ kɛmiijɛ woo ni sa Yehowa lɛ nɔ yɛ gbɛ ko nɔ? (Romabii 13:⁠1)

Dabi, ejaakɛ Yehowa fe “hegbɛi ni yeɔ nɔ” ko kɛkɛ. Lɛ ji “Jeŋ Muu Fɛɛ Nuntsɔ.” “Mɔ ni Yɔɔ Ŋwɛi Shɔŋŋ” lɛ. (Lala 73:​28; Daniel 7:​18, 22, NW) Je lɛŋ nɔyelɔi lɛ anɔ kwɔlɔ loo amɛji hegbɛi kɛ akɛ amɛ to adesai krokomɛi ahe kɛ agbɛnɛ yɛ nii ni amɛtsuɔ lɛ hu hewɔ. Gbɛnaa nii ka amɛnɔ akɛ amɛye nɔ ni amɛbu gbɔmɛi ahe.​—11/1, baafa 12.

◻ Mɛni hewɔ suɔmɔ ji Nyɔŋmɔ mumɔ lɛ yibii nɛɛhu ni atsi ta yɛ Galatabii 5:​22, 23 Iɛ ateŋ nɔ ni da fe fɛɛ lɛ?

Nyɔŋmɔ mumɔ Iɛ yibii kpaanyɔ ni eshwɛ lɛ ji nibii akpojiemɔi, aloo suɔmɔ ni atsi ta klɛŋklɛŋ lɛ ahe nibii yɛ gbɛi sɔrɔtoi anɔ. Mumɔ lɛ yibii krokomɛi nɛɛ fɛɛ ji sui ni he hiaa, shi amɛhe baŋ sɛɛnamɔ kɛhaŋ wɔ kɛji akɛ wɔbɛ suɔmɔ. (1 Korintobii 13:⁠3)​—11/15, baafa 14.

◻ Mɛɛ sɛɛnamɔi jɛɔ nanemɛi heyelilɔi ni asɔleɔ ahaa amɛ lɛ mli baa?

Kɛ wɔha mɛi krokomɛi amumɔŋ hilɛ-kɛhamɔ fee nɔ ni wɔkɛwoɔ wɔsɔlemɔi amli lɛ, egbalaa wɔ kɛbɛŋkɛɔ amɛ yɛ nyɛmimɛi asuɔmɔ mli. Wɔnuɔ he wɔhaa amɛ, wɔkɛ wɔhe woɔ amɛmiishɛɛnamɔi kɛ haomɔi amli. No hewɔ Iɛ wɔfamɔɔ mlifu shishi kɛjɛɔ wɔmli, ni wɔŋmɛɔ gbɛ koni susumɔi ni tswaa mɔ emaa shi ni kɛ suɔmɔ kɛ miishɛɛ baa ahe shi.​—11/15, baafa 21-2.

◻ Mɛni ji nibii ni nyɛɔ wɔnɔ koni wɔja Yehowa Nyɔŋmɔ?

Wɔjaa Yehowa ejaakɛ lɛ ji Bɔlɔ lɛ, ni esui gbalaa wɔ kɛbɛŋkɛɔ ehe. (5 Mose 32:​3, 4; 1 Yohane 4:8; Kpojiemɔ 10:⁠6) Biblia Iɛ kɛɔ akɛ: “Nyɔŋmɔ jamɔ hetuu-kɛhamɔ he yɛ sɛɛnamɔ yɛ nibii fɛɛ mli, ejaakɛ eyɛ amrɔ nɛɛ wala lɛ kɛ nɔ ni baaba lɛ he shiwoo.” (1 Timoteo 4:​8, NW) Nyɔŋmɔ ko bɛ ni baanyɛ ekɛ nɔ ni baajɛ mli aba nɛɛ he shiwoo ni tamɔ nɛkɛ aha, ni eha eshiwooi lɛ aba mli, ja Yehowa pɛ.​—12/1, baafa 6-7.