Nyɛbaa Yehowa Gɔŋ lɛ Nɔ

1. Wo ohiɛ nɔ okwɛ,

Gɔŋ ni kwɔ fe fɛɛ yiteŋ.

No ji Yehowa gɔŋ ni

Awo nɔ ŋmɛnɛ lɛ.

Gbɔmɛi jɛɔ shɔŋŋ kɛbaa,

Kɛjɛ boka kɛ anai,

Mɛi nɛɛ kɛɔ mɛi hu akɛ,

‘Nyɛbajáa Yehowa.’

Be ni maŋ bibioo

Baatsɔ maŋ wulu diɛŋtsɛ lɛ nɛ.

Kɛ́ wɔda yɛ mumɔŋ,

Wɔbaaná Nyɔŋmɔ dɛŋ jɔɔmɔ daa.

Mɛi pii baa Nyɔŋmɔ ŋɔɔ,

Amɛfiɔ esɛɛ jogbaŋŋ.

Amɛyeɔ anɔkwa

Ni amɛshiŋ emasɛi.

2. Yesu fã wɔ akɛ

Wɔyashiɛ wiemɔ krɔŋŋ lɛ.

Ashiɛɔ Maŋtsɛyeli lɛ

Atsɔɔ adesai fɛɛ.

Kristo miiye maŋtsɛ,

Etsɛɔ mɛi kɛbaa eŋɔɔ.

Humii ni boɔ lɛ toi haa

Biblia tsɔɔ amɛ gbɛ.

Kwɛ miishɛɛ ni wɔnáa,

Asafo kple lɛ ayi miifa!

Ha wɔ fɛɛ wɔtsɔɔ nii,

Kɛwa mɛi ni amɛle Nyɔŋmɔ.

Ha wɔwo wɔgbee nɔ,

Ni wɔkɛɛ mɛi fɛɛ akɛ,

‘Nyɛbaa Yehowa gɔŋ nɔ,

Nyɛhia shi yɛ biɛ daa.’