Shidaa Sɔlemɔ

1. D’rolɔ Yehowa, osa yijiemɔ,

Oo Maŋtsɛ, bo wɔbolɔɔ wɔtsɛɔ daa.

Sɔlemɔ Toibolɔ, osa jamɔ,

Wɔbaahi osuɔmɔ krɔŋŋ lɛ mli daa.

Wɔtɔmɔi tsɔɔ akɛ sũ ji wɔ fɛɛ;

Kɛ wɔhe eshai lɛ afa wɔ kwraa.

O-Bi lɛ lá krɔŋŋ lɛ akɛhe wɔ.

Wɔmiisumɔ ní otsɔɔ wɔ nii daa.

2. Mɛi ni otsɔɔ amɛ nii yɛ owe

Ni hiɔ ola lɛŋ lɛ yɛ miishɛɛ waa.

Ha wɔle bo; o-Wiemɔ tsɔɔ wɔ gbɛ.

Wɔbaahi osɔlemɔwe lɛ daa.

Oninenaa nitsumɔi yɛ naakpɛɛ,

Ewoɔ otsuji hewalɛ naakpa.

Jielɔ Nyɔŋmɔ, o-Nɔyeli lɛ sa.

Ebaaye omanye, saakɛ wɔshiɛ.

3. Ogbɛtsɔɔmɔ haa wɔnáa miishɛɛ waa;

Ha ojamɔ lɛ akple je lɛŋ fɛɛ.

Jalɛ ji o-Nɔyeli akekre,

Ejieɔ hela, gbele, kɛ piŋmɔi fɛɛ.

O-Bi lɛ baakpata efɔŋ fɛɛ hiɛ;

Onɔkwafoi lɛ baabɔ oshe waa.

Nyɛhaa wɔláa shidaa lala akɛ:

“Yijiemɔ aha Maŋtsɛ Yehowa!”