‘Nyɛyoa Nibii ni Hi Titri Lɛ’

1. Sɛɛyoomɔ he miihia jogbaŋŋ ŋmɛnɛ,

Ní wɔle nibii ni ja,

Ní wɔle nibii ni hi titri lɛ

Kɛ nitsumɔi ni sa wɔ!

Nya jalɛ he; Kwa efɔŋ kwraa.

Já Nyɔŋmɔ daa;

Ebaaha oná miishɛɛ. Sɔlemɔ;

Kasemɔ nii.

Ha wɔfee nii ni hi titri nɛɛ.

2. Mɛɛ nitsumɔ po yɔɔ ni he hiaa fe

Maŋtsɛyeli lɛ shiɛmɔ?

Kɛ́ wɔyatsɛ Nyɔŋmɔ tooi lɛ kɛba

Egbɛ nɔ lɛ, ehi waa.

Ha wɔshiɛ daa; Ehe miihia.

Ha wɔsumɔ

Mɛi ni wɔwa amɛ ni amɛye

Amɛhe kwraa!

Shiɛmɔ ji nii ni hi titri waa.

3. Kɛ́ wɔfee nibii fɛɛ ni he hiaa lɛ,

Wɔhe baawa yɛ mumɔŋ.

Wɔbaaná toiŋjɔlɛ ni hi jogbaŋŋ

Kɛ hiɛnɔkamɔ kpakpa.

Ni wɔbaaná Nanemɛi pii,

Kɛ suɔmɔ krɔŋŋ.

Wɔbaaná jɔɔmɔi kɛ́ wɔkase nii,

Wɔyoo nii sɛɛ,

Ní wɔfee nii ni hi titri daa!