ni ejɔɔ ehe nɔ lɛ dɛŋ lɛ, esa akɛ ekpɛ eyiŋ be fɛɛ be akɛ “esa akɛ aboɔ Nyɔŋmɔ moŋ toi fe gbɔmɛi.”​—Bɔfoi lɛ Asaji 5:⁠29.

Ŋaawoo ni atsɔ hiɛ akɛha ni kɔɔ amimyeli he, ajwamaŋbɔɔ naa foijee, kɛ nanemɛi heyelilɔi pɛ ni akɛaabote gbalashihilɛ mli lɛ baa nakai nɔŋŋ kɛ yoo lɛ wekumɛi lɛ ji mɛi ni woɔ gbala nii lɛ. Esaaa akɛ je lɛ tɛi ni efolɔ lɛ kudɔɔ Kristofonyo obalayoo kɛ efɔlɔ kɛ amɛmiihala hefatalɔ akɛ wu. Gbalashihilɛ mli ni akɛ mɔ ko ni jeee Kristofonyo lɛ boteɔ lɛ ji Nyɔŋmɔ nɔ toigbele. Ekɛɛ Israelbii lɛ kɛtsɔ Mose nɔ akɛ: “Ni okɛ amɛ akɛaye yoowɛɛ; kaaŋɔ obiyoo oha ebinuu gbala, ni kaawɛ ebiyoo oha obinuu.” (5 Mose 7:​3, 4; 1 Korintobii 7:39) Eka shi faŋŋ akɛ efeŋ nɔ ni ja gbɛ akɛ obalaŋtai Kristofoi hii kɛ yei aaatswa amɛhe adafi yɛ adafitswaa woji amli akɛ amɛmiitao gbalashihilɛ mli hefatalɔi ni sa amɛ. Amɛnyɛmimɛi Kristofoi hii kɛ yei lɛ ateŋ esa akɛ amɛtaoɔ hefatalɔi ni sa kɛjɛɔ.

Gbalashihilɛ ji gbɛjianɔtoo ko ni he tse ni Yehowa kɛha, ni esa akɛ nɔ ni ekɛɔ yɛ he yɛ e-Wiemɔ lɛ mli lɛ akudɔ wɔ fɛɛ. Esa akɛ suɔmɔ ni mli kwɔ ni wɔyɔɔ kɛha Yehowa, kɛ wɔbii, kɛ wɔnanemɛi heyelilɔi lɛ anyiɛ wɔhiɛ ni wɔkudɔ wɔhe kɛjɛ nibii ni teɔ shi woɔ jalɛ kɛ ekpakpa lɛ ahe. (Lala 119:105; Hebribii 4:12) Eka shi faŋŋ akɛ Yehowa jɔɔmɔ baaka he ahi mɛi ni haa e-Wiemɔ lɛ kudɔɔ amɛ yɛ be mli ni amɛfeɔ yiŋkpɛi, jeee yɛ gbala nii hamɔ he pɛ kɛkɛ shi yɛ wala shihilɛ gbɛi fɛɛ amli lɛ anɔ.​—Abɛi 10:​22.

Yehowa​—Nifeelɔ Kpeteŋkpele Lɛ!

“NITƐŊLƆI tɛŋɔ hulu shinyɔɔ kɛ eshitee he mfonirii babaoo, ni ahɔɔ amɛnitsumɔi lɛ kɛ jara ni nyɛɔ eshɛɔ Amerika shika dɔlai ohai abɔ aloo akpei abɔ po. Shi kɛlɛ Yehowa Nyɔŋmɔ, Nifeelɔ kpeteŋkpele kɛ hulu shinyɔɔ kɛ eshitee Shishijelɔ Iɛ haa wɔ ekome daa gbi​—yaka. Klɛŋklɛŋ nɔ ni efee lɛ yɛ fɛo fe ekrokomɛi ni akwɛɔ enɔ lɛ nɔ afeɔ lɛ. Ani esaaa akɛ enɛ haa wɔ yiŋtoo ni wɔɔdamɔ nɔ ni wɔjie hiɛsɔɔ kpo wɔha Iɛ akɛ Bɔlɔ?” Nɛkɛ ji bɔni Yehowa Odasefoi anɔkwɛlɔ gbɛfalɔ ko ni yɔɔ Hawaii Iɛ susu nii ahe yɛ be mli ni ehaa maŋshiɛmɔ yɛ asafoi lɛ ekome mli lɛ.

Yoo ko ni heee Nyɔŋmɔ eyeee, ni nakai be lɛ ji klɛŋklɛŋ ni ebaa Maŋtsɛyeli Asa Iɛ nɔ lɛ fata toibolɔi lɛ ahe. Ekadi sɔɔlɔ nɛɛ wiemɔ lɛ, shi ŋwane ni ejeɔ akɛ Nyɔŋmɔ bɛ Iɛ yɛ ejwɛŋmɔ mli waa lolo. Shi kɛlɛ, be ko beni eta etsɔne mli kɛjɛ nitsumɔ kɛmiiba shia aaafee no sɛɛ afii enyɔ lɛ, tsɔnei ayifalɛ babaoo lɛ tsi enaa yɛ he ko. Enɛ ha ena hulu shinyɔɔ ko ni yɔɔ fɛo waa diɛŋtsɛ. Ejwɛŋmɔ tee nakai nɔkwɛlɔ gbɛfalɔ lɛ wiemɔ lɛ nɔ amrɔ nɔŋŋ.

Egba akɛ: “Ni tsɔnei ayifalɛ ni etsi minaa Iɛ aaaha minijiaŋ aje wui moŋ lɛ, mina hulu shinyɔɔ fɛfɛo lɛ, ni ekai mi yɛ nɔ ni wielɔ Iɛ wie yɛ wɔhiɛ ni aaasɔ Yehowa Nyɔŋmɔ akɛ Nifeelɔ kɛ Bɔlɔ lɛ he. Eha mibɔi susumɔ akɛ, ‘Ekolɛ nɔ ni ewie lɛ ji anɔkwale; ekolɛ Bɔlɔ ko yɛ lɛlɛŋ.’ Mijwɛŋ he aahu yɛ be mli ni miyaa shia lɛ, ni nakai gbɛkɛ Iɛ mitsɛ minaanyo ni fɔ mi nine kɛtee Maŋtsɛyeli Asa lɛ nɔ klɛŋklɛŋ lɛ. Mije shishi mikase Biblia lɛ, ni amrɔ nɛɛ misɔmɔɔ Yehowa akɛ mi-Nyɔŋmɔ kɛ Bɔlɔ.”

Tamɔ bɔ ni Lalatsɛ lɛ fee lɛ, jeee le kɛkɛ yoo nɛɛ ebale Yehowa akɛ Nifeelɔ kpeteŋkpele ni bɔ nibii fɛɛ, shi elaa kɛjieɔ eyi hu. Lalatsɛ lɛ ŋma akɛ: “Nyɛjɛa ŋwɛi nyɛjiea Yehowa yi; . . . Hulu kɛ nyɔŋtsere nyɛjiea eyi; nyɛ ŋulamii ni kpɛlɛɔ lɛ fiaa nyɛjiea eyi. . . . Ha amɛjie Yehowa gbɛi lɛ yi: ejaakɛ lɛ efá, ni abɔ amɛ.”​—Lala 148:​1-5.