Maŋtsɛyeli Shiɛlɔi Bɔ Amaniɛ

Yehowa Jɔɔ Amɛshidaamɔ Shiŋŋ Kɛha E-Mla lɛ Nɔ

BOKA TEŊGBƐ maŋ ko mli ni tsɛ ko miisaa ekar tai ni ejwa yɛ gbɛ toi kɛkɛ ni kar kroko batswa ebinuu ni eye afii ejwɛ epila Iɛ ni ejo foi. Nyɛ lɛ wo ebinuu ni epila lɛ efɔ eshwuɔ nɔ ni tsɛ Iɛ kɛ ehiɛ tsɔɔ helatsamɔ he ni bɛŋkɛ jɛmɛ. Beni eshɛ jɛmɛ pɛ ni atsɔɔ lɛ akɛ eya helatsamɔ he kroko aaafee shitoi 16. Datrɛfoi lɛ tsɔɔ akɛla miiho gbekɛ Iɛ yɛ emligbɛ ni akɛ esa akɛ afee Iɛ opireshɛn ni la ni aaagbala awo emli he baahia. Datrɛfoi kpaanyɔ kpɛlɛ nɔ nakai. Akɛni fɔlɔi lɛ le Nyɔŋmɔ mla ni kɔɔ Ia ni akɛhaa lɛ he Iɛ hewɔ lɛ amɛkpoo. Datrɛfonyo lɛ wo amɛhe gbeyei akɛ: “Nyɛyɛ minitii enumɔ pɛ ni nyɛkɛaakpɛ nyɛyiŋ kɛ jeee nakai lɛ, wɔtaŋ nyɛbi lɛ he kɛji akɛ yɛ sɛɛ mli lɛ nyɛkpɛlɛ akɛ aha lɛ Ia po.” Beni enɛ yaa nɔ lɛ, no mli lɛ gbekɛ Iɛ musu miifuu ni eebote oshara mli.

Tsɛ Iɛ heloo naa nyɛminuu ni bɛ anɔkwale lɛ mli lɛ nyɛ tsɛ nɛɛ nɔ akɛ eŋmɛ gbɛ ni aha gbekɛ lɛ Ia. Ekɛɛ po akɛ: “Ofainɛ susumɔ gbekɛnuu nɛɛ he akɛ mibi shi jeee bo obi. Akɛni ohenilee miigba onaa hewɔ lɛ, gbɛnaa nii lɛ aba minɔ, kɛ nɔ ni helatsamɔ he Iɛ baahe lɛ, koni akɛ Ia ni he hiaa aha gbekɛ lɛ. Obinuu kome too pɛ nɛ.” Nɔnyɛɛ lɛ wa akɛ aaanyɛ adamɔ naa, shi fɔlɔi lɛ ekpɛ mli shiŋŋ.

Amɛhe amɛbi ni amɛshi jɛmɛ ni amɛmiitao helatsamɔ he kroko, shi amɛlaaje. Trukaa pɛ kɛkɛ ni amɛna okadi kroko ni miitsɔɔ helatsamɔ he kroko ni amɛtee jɛmɛ, eyɛ mli akɛ jeee no amɛtaoɔ lɛ. Beni datrɛfonyo lɛ na gbekɛ lɛ pɛ ni ekɛɛ: “Fuumɔ ni eba gbekɛ Iɛ musuŋ lɛ nyɛŋ afee Ia ni miiho yɛ emli. Ha gbekɛ lɛ awɔ, wɔ lɛ, makwɛ lɛ ni mana nɔ ni ji.” Beni akwɛ gbekɛ nɛɛ yɛ sɛɛ mli lɛ, ana akɛ Ia hooo yɛ emli, shi moŋ fuumɔ Iɛ jɛ oshara ni ba lɛ hewɔ. Opireshɛn he ehiaaa. Yɛ anɔkwale mli lɛ, datrɛfonyo lɛ kɛɛ akɛ eji afee gbekɛ lɛ opireshɛn kulɛ ebahiŋ. Fɔlɔi Iɛ kɛɛ: “Shidaa aha Yehowa kɛha wɔbinuu lɛ yibaamɔ akɛni etsɔɔ wɔ gbɛ kɛtee helatsamɔ he ni sa kɛ datrɛfonyo ni sa ŋɔɔ lɛ hewɔ.”

Yɛ afii nyɔŋma sɛɛ lɛ, mɛni ejɛ enɛ mli eba? Tsɛ lɛ bɔ amaniɛ akɛ: “Miheloo naa nyɛminuu ni nyɛ minɔ yɛ helatsamɔ he lɛ hiɛ esɔ wɔshidaamɔ lɛ ni ena Yehowa gbɛtsɔɔmɔ yɛ nɛkɛ sane nɛɛ mli. Enɛ ha ena miishɛɛ yɛ anɔkwale lɛ he ni ekpɛlɛ nɔ, abaptisi Iɛ ni amrɔ nɛɛ eesɔmɔ akɛ onukpa yɛ asafo Iɛ mli. Eŋa kɛ ebii fɛɛ kɛlɛ miisɔmɔ Yehowa ekaa naa. Minyɛmimɛi hii enyɔ krokomɛi hu yɛ anɔkwale lɛ mli kɛ amɛwekui, ni amɛteŋ mɔ kome miisɔmɔ akɛ asafo mli sɔɔlɔ. Abaptisi mitsɛ kɛ minyɛ nyɛsɛɛ nɛɛ, amɛdara yɛ afii amli moŋ. No hewɔ lɛ, eyɛ mli akɛ eji niiashikpamɔ ko ni naa wa naakpa kɛha miŋa kɛ mi fɛɛ moŋ, shi yɛ enɛ hewɔ lɛ, miweku lɛ mli bii 30 emɔ anɔkwale Iɛ mli; abaptisi amɛteŋ mɛi komɛi momo; ni amɛmiisɔmɔ akɛ onukpai kɛ asafoŋ sɔɔlɔi. Mɛi krokomɛi nyiɛ gbɛ kɛmiibɛŋkɛ be mli ni aaabaptisi amɛ. Mibinuu lɛ eye afii 14 agbɛnɛ, eyɛ hewalɛ, shiɛlɔ ni eyɛ ekaa, ni eekpa be ni aaabaptisi Iɛ lɛ gbɛ. Kwɛ bɔ ni mi kɛ miŋa daa Yehowa shi akɛ eye ebua wɔ ni wɔkpɛ wɔyiŋ yɛ gbɛ ni kɛ emla ni ajaje yɛ Bɔfoi lɛ Asaji 15:29 lɛ kpaa gbee lɛ nɔ”!

[Mfoniri ni yɔɔ baafa 30]

“Nyɛtsia nyɛhe kɛjɛa nibii ni akɛsha afɔle aha wɔji kɛ la he”

[Baafa 31]July Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)