Sanebimɔi Ni Jɛ Kanelɔi Adɛŋ
◼ Yɛ Yesu wiemɔ ni yɔɔ Yohane 15:15 Iɛ hewɔ Iɛ, ani esa akɛ Kristofoi abu amɛhe akɛ “nyɔji” aloo akɛ wɔbaanyɛ wɔsusu wɔhe akɛ Yesu “shieŋtsɛmɛi” ji wɔ?
Wɔbaanyɛ wɔbu wɔhe nakai ni esa akɛ wɔfee nakai hu. Bɔni afee ni wɔna nɔ hewɔ lɛ, nyɛhaa wɔkadia nɔ ni Yesu kɛɛ ebɔfoi anɔkwafoi lɛ yɛ enaagbee gbɛkɛnaashi beni ekɛ amɛ ta shi lɛ: “Kɛji nyɛfee nii ni miwoɔnyɛ he kitai lɛ, no Iɛ mishieŋtsɛmɛi ji nyɛ. Mitsɛɛɛ nyɛ nyɔji dɔŋŋ, ejaakɛ nyɔŋ leee nɔ ni enuŋtsɔ feɔ; shi moŋ shieŋtsɛmɛi mitsɛ nyɛ, ejaakɛ nii fɛɛ ni minu yɛ mitsɛ naa Iɛ, mitsi ta mikɛɛ nyɛ.”—Yohane 15:13-15.
Klɛŋklɛŋ kwraa lɛ, mɛni Yesu tsɔɔ beni ekɛɛ ekaselɔi anɔkwafoi lɛ ji nyɔji Iɛ? Ekɛ enɛ etsɔɔɔ akɛ amɛji nyɔji akɛni afɔ adesai fɛɛ ni jɛ Adam mli lɛ akɛ mɛi ni yeee emuu ni ahɔɔ amɛ loo amɛtsɔmɔ nyɔji amɛha esha lɛ hewɔ. (Yohane 8:34; Romabii 5-18, 19; 6:16; 7:14) Kɛha Kristofoi ni hi shi kɛjɛ nakai be Iɛ mli lɛ, kulɛ bɔfoi Iɛ ji nyɔji yɛ nɛkɛ gbɛ nɔ, shi Yesu afɔleshaa Iɛ kɛ heyeli bahaa amɛ. (1 Petro 1:18, 19; Galatabii 4:5) Shi enɛ haaa amɛye amɛhe kwraa. Taakɛ bɔ ni bɔfo Paulo ŋma yɛ sɛɛ mli Iɛ, “ahenyɛ kɛ jara ni wa,” ni ji Yesu la lɛ, no hewɔ lɛ amɛbatsɔmɔ Nyɔŋmɔ kɛ Kristo nyɔji.—1 Korintobii 6:20; 7:22, 23.
Yesu kɛ ewiemɔ ni yɔɔ Yohane 15:15 lɛ etsɔɔɔ akɛ bɔfoi anɔkwafoi ni etsɛŋ amɛbaana mumɔ krɔŋkrɔŋ Iɛ ni amɛtsɔmɔ Kristofoi ni afɔ amɛ mu lɛ jeee nyɔji dɔŋŋ. (Okɛto Yohane 15:20 he.) Shi, nyɔŋ ni mɔ ko ji kɛha Nyɔŋmɔ kɛtsɔ Kristo nɔ lɛ jeee nɔnyɛɛ kɛ nɔ ni gbeɔ mɔ. Eji suɔmɔ kɛ wala yibaamɔ. (2 Timoteo 4:8; Tito 1:1, 2) Kristofonyo ni kɛ miishɛɛ kpɛlɛɔ Kristo la lɛ jara Iɛ nɔ ni efeɔ ehe Nyɔŋmɔ tsulɔ lɛ kɛ naanɔ gbele baakpe kɛji akɛ yɛ sɛɛ mli lɛ ekpoo nakai afɔleshaa lɛ ni eku sɛɛ ekɛ ehe yawo eshafeemɔ mli ni etsɔ nyɔŋ eha enɛ ekoŋŋ lɛ. (Galatiabii 1:10; 4:8, 9; Hebribii 6:4-6) No hewɔ Iɛ, Yesu kaselɔi lɛ baakahe amɛtsɔmɔ Nyɔŋmɔ kɛ Kristo nyɔji moŋ, shi amefe nyɔji. Mɛni hewɔ?
Yesu kɛ ebɔfoi Iɛ le akɛ, yɛ nakai be Iɛ mli Iɛ, yɛ nuŋtsɔ kɛ tsulɔ sharamɔ mli lɛ, ‘tsulɔ lɛ nyɛŋ ale nɔ ni enuŋtsɔ lɛ feɔ.’ Nakai nɔŋŋ adesa nuŋtsɔ Iɛ nyɛŋ ni ekɛ tsulɔ ni eyahe Iɛ Iɛ aye yitsoŋsane, aloo ni eeejie eteemɔŋ susumɔi kɛ henumɔi akpo etsɔɔ lɛ.
Wɔbaanyɛ wɔna kɛjɛ Yesu wiemɔi nɛɛ amli akɛ, jeee nakai kwraa sane lɛ ji yɛ ekaselɔi lɛ agbɛfaŋ. Ekɛɛ akɛ: “Mitsɛɛɛ nyɛ nyɔji dɔŋŋ, ejaakɛ nyɔŋ leee nɔ ni enuŋtsɔ feɔ; shi moŋ shieŋtsɛmɛi mitsɛ nyɛ, ejaakɛ nii fɛɛ ni minu yɛ mitsɛ naa Iɛ, mitsi ta mikɛɛ nyɛ.” (Yohane 15:15) Hɛɛ, taakɛ efɔɔ kaa yɛ nanemɛi ateŋ lɛ, Yesu jie nibii ni ji teemɔŋ saji akpo etsɔɔ amɛ. (Mateo 13:10-12; 1 Korintobii 2:14-16) Eyɛ mli akɛ amɛkahe amɛji Nyɔŋmɔ nyɔji kɛtsɔ Yesu nɔ moŋ, shi ekɛ bɔfoi lɛ ye yitsoŋsane ni enɛ ye amɛhe odase akɛ amɛji eshieŋtsɛmɛi ni eheɔ amɛ eyeɔ. (Okɛto Lala 25:14 he.) Ebaanyɛ efee nakai ni esa akɛ enɛ afee anɔkwale yɛ wɔ hu wɔhe. Mɛ hegbɛ po wɔna nɛkɛ akɛ wɔɔna Nuŋtsɔmɛi yɛ ŋwɛi, Mɛi ni kɛ wɔ baaye akɛ mɛi ni aheɔ amɛ ayeɔ akɛ shieŋtsɛmɛi anɔkwafoi ni anyɛɔ akɛ amɛ yeɔ yitsoŋsane!
[Baafa 31]September Daa Gbi Ŋmalɛ
(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)