Nyɛfea Enɔyelɔi—Jeee Enulɔi Kɛkɛ
1 Anɔkwa Kristofoi ni yɔɔ ŋmɛnɛ lɛ kɛ Biblia mli ŋaawoo akɛ afee wiemɔ lɛ nɔyelɔi ni jeee enulɔi kɛkɛ lɛ toɔ amɛtsui mli. (Yak. 1:22) Enɛ haa esoroɔ amɛ kwraa yɛ mɛi ni yɛ be mli ni amɛkɛɔ akɛ Kristofoi ji amɛ lɛ, amɛkɛ naabu folo sɔmɔɔ Nyɔŋmɔ lɛ ahe. (Yes. 29:13) Yesu jaje faŋŋ akɛ mɛi ni feɔ Nyɔŋmɔ suɔmɔnaa nii lɛ pɛ abaahere amɛ yiwala.—Mat. 7:21.
2 Jamɔ ni Nyɔŋmɔ jamɔ nifeemɔi bɛ mli lɛ he bɛ sɛɛnamɔ ko. (Yak. 2:26) No hewɔ lɛ esa akɛ wɔbi wɔhe akɛ, ‘Yɛ mɛɛ gbɛ nɔ mi nifeemɔi tsɔɔ akɛ mihemɔkɛyeli lɛ ja? Mɛni tsɔɔ akɛ mihiɔ shi yɛ nɔ ni miheɔ miyeɔ lɛ kɛ gbeekpamɔ naa lɛlɛŋ? Te mafee tɛŋŋ makase Yesu jogbaŋŋ kɛmɔ shi?’ Sanebimɔi nɛɛ ahetoohamɔ yɛ anɔkwale mli lɛ baaye abua ni wɔle bɔ ni wɔtee hiɛ wɔha loo hiɛyaa ni he hiaa ni wɔna lolo yɛ Nyɔŋmɔ suɔmɔnaa nifeemɔ mli.
3 Ákɛ Yesu sɛɛnyiɛlɔi lɛ, esa akɛ wɔkɛ oti ni he hiaa fe fɛɛ ni tamɔ nakai nɔŋŋ lɛ ama wɔhiɛ yɛ shihilɛ mli, taakɛ lalatsɛ lɛ tsɔɔ mli lɛ, akɛ: “Nyɔŋmɔ nɔ wɔshwaa wɔfɔɔ daa nɛɛ, ni ogbɛi lɛ shi wɔɔda kɛaatee naanɔ.” (Lala 44:9) Kristojamɔ ji shihilɛ gbɛ ni jeɔ kpo faŋŋ daa gbi, ni ejeɔ kpo yɛ nɔ fɛɛ nɔ ni wɔfeɔ lɛ hu mli. Kwɛ miishɛɛ ni wɔnaa yɛ be mli ni wɔtsɔɔ yɛ wɔ nifeemɔi fɛɛ mli akɛ wɔɔjɛ wɔtsui mli wɔjie Yehowa yi lɛ!—Fil. 1:11.
4 Babaoo He Miihia yɛ Yehowa Yijiemɔ Mli Fe ni Aaahi Jeŋba Kpakpa Mli: Kɛ jeŋba kpakpa pɛ Nyɔŋmɔ taoɔ lɛ, kulɛ wɔ subaŋ ni wɔɔkwɛ ni ehe atse lɛ pɛ ji nɔ ni wɔbaajwɛŋ nɔ. Shi kɛlɛ, Yehowa agbojee ni wɔɔjaje kɛya shɔŋŋ ni wɔɔjaje egbɛi lɛ wɔtsɔɔ yɛ faŋŋ mli lɛ hu fata wɔjamɔ lɛ he!—Heb. 13:15; 1 Pet. 2:9.
5 Sanekpakpa lɛ shiɛmɔ yɛ faŋŋ mli lɛ ji wɔ nitsumɔi ni he hiaa fe fɛɛ lɛ ateŋ ekome. Yesu tu ehe eha nitsumɔ nɛɛ akɛni ele akɛ no tsɔɔ naanɔ wala kɛha mɛi ni baabo toi lɛ hewɔ. (Yoh. 17:3) Nakai nɔŋŋ ŋmɛnɛ, “wiemɔ lɛ he sɔɔmɔ” he hiaa; no pɛ nɔ abaatsɔ ni anyɛ ahere mɛi ayiwala. (Bɔf. 6:4; Rom. 10:13) Be mli ni wɔyɔseɔ ehe sɛɛnamɔi babaoo lɛ, wɔhiɛ baanyɛ asɔ nɔ hewɔ ni Paulo wo wɔ ŋaa akɛ ‘wɔshiɛ wiemɔ lɛ’ ni ‘wɔkã he’ lɛ.—2 Tim. 4:2.
6 Esa akɛ wɔjie Yehowa yi yɛ wɔshihilɛi amli kɛyashi mɛɛ be? Lalatsɛ lɛ kɛɛ akɛ no yɛ ejwɛŋmɔ mli gbi fɛɛ gbi. Ani wɔnuuu he nakai? Hɛɛ, wɔnuɔ he nakai, ni wɔbaabu sharamɔ fɛɛ ni wɔkɛ mɔ kroko aaana lɛ akɛ be ni hi jogbaŋŋ kɛha Yehowa gbɛ́i lɛ he wiemɔ. Wɔbaatao hegbɛi ni sa ni wɔɔtsɔ nɔ wɔgbala wɔ sanegbaa lɛ kɛya mumɔŋ saji anɔ. Wɔbaabɔ mɔdɛŋ hu ni wɔkɛ wɔhe awo shiɛmɔ nitsumɔ ni asafo lɛ toɔ he gbɛjianɔ lɛ mli daa. Mɛi ni amɛshihilɛi ŋmɛɔ gbɛ lɛ baanyɛ amɛkɛ hiɛdɔɔ asusu gbɛgbamɔ sɔɔmɔ lɛ he, ejaakɛ enɛ yeɔ ebuaa ni wɔkɛ shiɛmɔ nitsumɔ lɛ yeɔ klɛŋklɛŋ gbɛhe yɛ wɔ daa gbi shihilɛ mli. Nyɔŋmɔ Wiemɔ lɛ maa nɔ mi haa wɔ akɛ, kɛ wɔka he wɔfee Nyɔŋmɔ suɔmɔnaa nii lɛ, wɔbaana miishɛɛ.—Yak. 1:25.