Ní Aaajie Yehowa Yi Gbi Fɛɛ Gbi
1 Lalatsɛ lɛ wie yɛ Yehowa he akɛ: “Majie oyi gbi fɛɛ gbi.” (Lala 145:2a) Ani wɔnuɔ he nakai nɔŋŋ kɛha wɔ shiɛmɔ nitsumɔ lɛ? Akɛni hiamɔ eba wɔbei nɛɛ ahe waa hewɔ lɛ, ani wɔkɛ wɔhe miiwo shiɛmɔ nitsumɔ lɛ mli waa diɛŋtsɛ bɔ ni wɔɔnyɛ?
2 Taomɔ Hegbɛi ni Baaha Oshiɛ naa Gbi: Esoro bɔ ni mɔ fɛɛ mɔ shi- hilɛ yɔɔ ha kwraa, shi gbi fɛɛ gbi lɛ, esa akɛ wɔ fɛɛ wɔna bɔ ni ehe hiaa akɛ wɔɔgba mɛi krokomɛi sanekpakpa lɛ he sane. Kɛfata shiɛ- mɔ nitsumɔ lɛ he lɛ, ehe miihia ni wɔto gbɛjianɔ kɛtsɔ hiɛ koni wɔye aŋkroaŋkroi trukaa odase yɛ nitsumɔhe loo yɛ skul, ní wɔye akutsoŋbii loo mɛi krokomɛi ni wɔkɛ amɛ kpeɔ gbi fɛɛ gbi lɛ hu trukaa odase.
3 Woji aŋmalamɔ loo tɛlifoŋ ni akɛtsuɔ nii lɛ baanyɛ afee gbɛ kpa- kpa ni atsɔɔ nɔ ayeɔ mɛi krokomɛi odase. Helatsɛmɛi kɛ nyɛmɛi ni efɔ́ eŋmɔŋ po baanyɛ aye mɛi ni basa- raa amɛ lɛ odase trukaa, kɛ́ amɛsaa amɛhe ni amɛto gbɛjianɔ jogbaŋŋ kɛtsɔ hiɛ lɛ. Biblia, dɛhiɛmɔ woji, woji tɛtrɛbii ni mɔ lɛ baaha ehi emasɛi yɛ be mli ni etsɔɔ ŋaa gbɛ nɔ etsɔɔ sanegbaai kɛyaa Maŋtsɛyeli lɛ nɔ lɛ, bɔ fɛɛ bɔ ni fee lɛ ebaafee nɔ ní yeɔ ebuaa. Kɛ akɛ enɛɛmɛi fɛɛ tsu nii jogbaŋŋ, ni afee sɛɛsaramɔi hu lɛ, ebaanyɛ eha aná miishɛɛ krɛ- dɛɛ ni jɛɔ shia Biblia mli nikasemɔ feemɔ mli kɛbaa lɛ. Hɛɛ, gbi fɛɛ gbi lɛ, wɔbaanyɛ wɔfee nii ni baaha wɔná hegbɛi ni wɔkɛaashiɛ.
4 Nyɛmi yoo ko bɔi Ŋmalɛi lɛ Amli ni Wɔɔkwɛ Daa lɛ kanemɔ beni aba hejɔɔmɔ fioo yɛ nitsumɔhe lɛ. Efɔ̃ nine etsɛ́ naanyo nitsulɔ ko koni ebafata ehe ni akane gbi lɛ ŋmalɛ lɛ, ni etsɛɛɛ ni no gbele gbɛ ni akɛ yoo lɛ kase Biblia lɛ. Beni nyɛmi nuu ko ní ekpa shiɛmɔyaa lɛ na bɔ ni nyɛmi yoo lɛ yɔɔ ekãa lɛ, ebi koni onukpai lɛ aye abua lɛ koni ebɔi shiɛmɔyaa ekoŋŋ. Nyɛmi yoo nɛɛ ná mɛi enyɔ krokomɛi hu anɔ hewalɛ kpakpa akɛni etsuɔ eshiwoo lɛ he nii gbi fɛɛ gbi lɛ hewɔ.—Lala 61:9.
5 Okɛ Be Kakadaŋŋ Atsu Nii, ní Okɛ Ehe Akɔntaabuu Aha Amrɔ Nɔŋŋ: Anɔkwale ni hereɔ mɔ yi- wala lɛ he hɔmɔ yeɔ mɛi babaoo. Ŋmɛlɛtswai babaoo ni wɔɔye yɛ wɔ shiɛmɔ nitsumɔ lɛ mli koni wɔkɛye wɔbua mɛnɛɛmɛi lɛ baanyɛ afee nɔ ni nyɔmɔwoo yɔɔ mli. Kɛ wɔtsɛ waa yɛ shiɛmɔ mli lɛ, bei pii lɛ, wɔnyɛɔ wɔnáa niiashikpamɔi ni yɔɔ mii- shɛɛ, sɛɛsaramɔi ni woɔ yibii, kɛ Biblia mli nikasemɔi ni woɔ yibii.
6 Awoɔ wɔ fɛɛ hewalɛ koni yɛ daa nyɔŋ nɔ lɛ, wɔkɛ wɔ shiɛmɔyaa he akɔntaabuu aha amrɔ nɔŋŋ bɔni afee ni akɛjie naagba ni yɔɔ daa niji shiɛmɔyaa he akɔntaabuu ni ahaa ekpeɔ sɛɛ dani akɛbaa lɛ kɛya.