• Adafitswai
    Maŋtsɛyeli Sɔɔmɔ—1999 | December

    • Adafitswai

      ◼ Wolo ni akɛbaatsu nii yɛ December: Nilee Ni Kɛ Mɔ Yaa Naanɔ Wala Mli kɛ New World Translation lɛ. January: Woji fɛɛ ni hiɛ baafai 192 ni akala dani afi 1986 shɛ ni ekolɛ asafo lɛ yɔɔ eko. Asafoi ni bɛ woji ni tamɔ nɛkɛ lɛ baanyɛ amɛkɛ Life—How Did It Get Here? By Evolution or by Creation? loo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ aha. February: Nɔ Diɛŋtsɛ ni Kɛ Weku Miishɛɛ Baa. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje shia Biblia mli nikasemɔi ashishi.

      ◼ Wɔ Maŋtsɛyeli Sɔɔmɔ lɛ eto sɔɔmɔ kpee he gbɛjianɔ kɛha otsi fɛɛ otsi yɛ nyɔji amli ni akɛbaaya kpee lɛ mli. Asafoi lɛ baanyɛ afee tsakemɔi ni he hiaa koni aya “Nyɔŋmɔ Gbalɛ Wiemɔ” Kpokpaa Wulu nɔ Kpee lɛ ní agbɛnɛ amɛfee koni amɛkɛ minitii 30 atĩ kpee shishi saji otii lɛ amli yɛ Sɔɔmɔ Kpee ni abaafee yɛ otsi ni nyiɛ sɛɛ lɛ mli. Esa akɛ akɛ gbi fɛɛ gbi kpee shishi wiemɔi amlitĩi lɛ he nitsumɔ awo nyɛmimɛi etɛ ni sa lɛ adɛŋ kɛtsɔ hiɛ, ní amɛgbala amɛjwɛŋmɔ kɛya saji otii lɛ anɔ. Nɛkɛ nii amlitĩi ni asaa he jogbaŋŋ yɛ mli nɛɛ baaye ebua asafo lɛ koni amɛkai saji otii ni amɛkɛbaatsu nii ní amɛkɛtsu nii yɛ shiɛmɔ nitsumɔ lɛ mli. Saji fɛɛ ni baajɛ toibolɔi lɛ aŋɔɔ lɛ kɛ niiashikpamɔi ni amɛbaagba lɛ afee kuku ni ewie sane oti lɛ he.

      ◼ Nyɛkwɛa koni nyɛŋmaa afi ŋmalɛ hee lɛ yɛ nyɛ Maŋtsɛyeli Asa lɛ mli amrɔ nɔŋŋ yɛ January 1. Yɛ asafoi ni wieɔ maŋ nɛɛŋ wiemɔi agbɛfaŋ lɛ, esa akɛ afi ŋmalɛ lɛ mli wiemɔi lɛ afee nɔ ni kɛ bɔ ni aŋma lɛ aha yɛ Wɔ Maŋtsɛyeli Sɔɔmɔ lɛ mli lɛ akpã gbee. Afi ŋmalɛ lɛ ji: “Wɔjeee mɛi ni kpaleɔ kɛyaa, . . . shi moŋ wɔji mɛi ni yɔɔ hemɔkɛyeli.”—Heb. 10:39, NW.

      ◼ Abaafee “Medical Directive Card” lɛ kɛ “Identity Card” lɛ ehee yɛ January 1. Esa akɛ shiɛlɔi fɛɛ ni abaptisi amɛ lɛ akwɛ koni amɛfee “Medical Directive Card” lɛ ehee amɛha amɛhe kɛ “Identity Card” lɛ ehee amɛha gbekɛbii bibii fɛɛ ni ekolɛ amɛyɔɔ.

      ◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ December 1 loo no sɛɛ nɔŋŋ. Esa akɛ atswa asafo lɛ adafi beni akane shika he akɔntaabuu ni baanyiɛ sɛɛ lɛ atsɔɔ, kɛ́ afee enɛ momo.

      ◼ Gbi ni abaaye Kaimɔ lɛ kɛha afi 2001 lɛ ji Hɔgbaa, April 8, beni hulu enyɔ shi sɛɛ.

      ◼ Woji Heei ni Yɔɔ:

      Hellfire—Is It Part of Divine Justice? (Tract No. 74)—Arabic

      The Guidance of God—Our Way to Paradise—Arabic

      ◼ Woji ni Nine Eshɛ nɔ Ekoŋŋ:

      Lala wolo Wulu—Twi

      Lala wolo Bibioo—Twi

      Lala wolo Bibioo—Blɔfo

      Gbɔmɔ ni Fe Mɔ Fɛɛ Mɔ ni Ehi Shi Pɛŋ—Twi

      Gbɔmɔ ni Fe Mɔ Fɛɛ Mɔ ni Ehi Shi Pɛŋ—Ewe

  • Teokrase Sɔɔmɔ Skul Kɛha 2000
    Maŋtsɛyeli Sɔɔmɔ—1999 | December

    • Teokrase Sɔɔmɔ Skul Kɛha 2000

      1 Teokrase Sɔɔmɔ Skul lɛ efee jɔɔmɔ wulu diɛŋtsɛ eha Yehowa webii. Yɛ afii 50 ni eho lɛ mli lɛ, eye ebua mɛi akpekpei abɔ koni amɛhe asa, ni amɛle wiemɔ yɛ mɛi ahiɛ kɛ agbɛnɛ hu ákɛ Biblia mli anɔkwalei lɛ tsɔɔlɔi. (Lala 145:10-12; Mat. 28:19, 20) Ani oona bɔ ni skul lɛ eye ebua bo? Ebaanyɛ eya nɔ efee nakai yɛ afi 2000 lɛ mli, kɛ́ okɛ ohe wo mli kwraa kɛmɔ shi ni okɛ ŋaawoo ni akɛhaa lɛ tsu nii.

      2 Atsɔɔ saji ni tsɔɔ nifeemɔi ni akɛha lɛ kɛ woji ni akɛbaatsu nii lɛ yɛ skul gbɛjianɔtoo kɛha afi 2000 lɛ mli yɛ klɛŋklɛŋ baafa lɛ mli. Atsɔɔ be ni ato kɛha nifeemɔ lɛ eko fɛɛ eko, wolo ni akɛbaatsu nifeemɔ lɛ he nii, bɔ ni abaatsu nifeemɔ lɛ he nii aha kɛ saji krokomɛi hu ni fata he. Nyɛfainɛ, nyɛŋɔa be ni nyɛkɛkanea emli gbɛtsɔɔmɔi lɛ ojogbaŋŋ ni nyɛkɛtsu nii.

      3 Daa Otsi Biblia Kanemɔ: Gbɛjianɔtoi srɔtoi enyɔ yɔɔ kɛha daa otsi Biblia kanemɔ ni atsɔɔ yɛ skul gbɛjianɔtoo lɛ mli lɛ. Ekome ji nikanemɔ he gbɛjianɔtoo ni yɔɔ daa gbi kɛha Biblia lɛ baafai enumɔ kanemɔ. Akɛ Biblia mli saji otii lɛ damɔɔ nikanemɔ nɛɛ nɔ. Nikanemɔ gbɛjianɔtoo kroko lɛ ji nɔ ni akɛfata he, ni efalɛ feɔ enɛ toi enyɔ. Kɛ okɛ gbɛjianɔtoo nɛɛ tsu nii lɛ, obaanyɛ okane Biblia muu lɛ fɛɛ yɛ afii etɛ mli. Shishinumɔ yɛ he akɛ mɛi komɛi baasumɔ ni amɛkane babaoo fe nɔ ni ato he gbɛjianɔ yɛ nikanemɔ ni fata he lɛ mli, ni ekolɛ mɛi krokomɛi nyɛŋ anyiɛ sɛɛ pɛpɛɛpɛ. Ná nɔ ni obaanyɛ otsu lɛ he miishɛɛ moŋ fe ni okɛ ohe aaato mɛi krokomɛi ahe. (Gal. 6:4) Nɔ ni he hiaa ji ni okane Nyɔŋmɔ Wiemɔ lɛ daa gbi.—Lala 1:1-3.

      4 Kɛ oosumɔ ni aŋma ogbɛi awo Teokrase Sɔɔmɔ Skul lɛ mli lɛ, no lɛ okɛ skul nɔkwɛlɔ lɛ agba he sane. Ofainɛ ni okɛ hiɛdɔɔ atsu nifeemɔ ni akɛwo odɛŋ lɛ he nii, ni kaafolɔ mli kɛkɛ. Jiemɔ hiɛsɔɔ kpo otsɔɔ skul lɛ ákɛ eji gbɛjianɔtoo ko ni jɛ Yehowa dɛŋ. Saamɔ ohe ojogbaŋŋ, ní ole nikasemɔ ni akɛwo odɛŋ lɛ jogbaŋŋ kɛmɔ shi, ni owie kɛjɛ otsuiŋ, bɔni afee ni oná skul ni yɔɔ srɔto kwraa nɛɛ he sɛɛ.