Ani Obɛ Yearbook Komɛi yɛ Owojiatoohe Lɛ?

Yearbook of Jehovah’s Witnesses lɛ eko fɛɛ eko ji nikanemɔ ni miishɛɛ yɔɔ mli lɛ jwetri nitoohe. Maŋtsɛyeli shiɛmɔ nitsumɔ lɛ he amaniɛbɔi ni tswaa mɔ emaa shi ni jɛ je lɛŋ hei srɔtoi fɛɛ lɛ woɔ hekɛnɔfɔɔ ni wɔyɔɔ yɛ Yehowa gbɛtsɔɔmɔ, hebuu, kɛ ejɔɔmɔ mli lɛ mli hewalɛ. Wɔyɛ afi 1989 kɛyashi 1991, 1994, 1995, 1999, kɛ 2000 Blɔfo Yearbook srɔtoi lɛ eko. Yinɔsane ni yɔɔ miishɛɛ ni tsɔɔ Maŋtsɛyeli nitsumɔ ni yaa nɔ yɛ Austria, Barbados, Britain, Colombia, Cyprus, Czech Republic, Finland, Germany, Greece, Guadeloupe, Haiti, Hawaii, Madagascar, Malawi, Mexico, Poland, Suriname, Sweden, Thailand, kɛ Uruguay ji nɔ ni yɔɔ mli. Mɛni hewɔ okwɛɛɛ kɛji akɛ ekolɛ Yearbook srɔtoi nɛɛ eko bɛ owojiatoohe lɛ? Esa akɛ Teokrase Sɔɔmɔ Skul nɔkwɛlɔ lɛ hu akwɛ Maŋtsɛyeli Asa wojiatoohe lɛ mli. Shiɛlɔi fɛɛ loo asafoi fɛɛ ni sumɔɔ Yearbook srɔtoi nɛɛ eko lɛ baanyɛ ashɛ eko kɛtsɔ asafo lɛ mli sɔɔlɔ ni kwɛɔ woji anɔ lɛ nɔ.