Nikasemɔ 1

Bɔ ni Ooofee Ona Nɔ ni Nyɔŋmɔ Taoɔ

Mɛɛ sane ni he hiaa yɔɔ Biblia lɛ mli? (1)

Namɔ ŋma Biblia lɛ? (2)

Mɛni hewɔ esa akɛ okase Biblia lɛ? (3)

1. Biblia lɛ ji nikeenii ni jara wa ni jɛ Nyɔŋmɔ ŋɔɔ. Etamɔ wolo ni tsɛ ni yɔɔ suɔmɔ eŋma ebii. Egbaa wɔ anɔkwale ni kɔɔ Nyɔŋmɔ he—mɔ ni eji kɛ nɔ ni eshishitoo mlai ji hu. Etsɔɔ bɔ ni aaafee adamɔ naagbai anaa kɛ bɔ ni aaafee ana anɔkwa miishɛɛ. Biblia lɛ pɛ kɛɔ wɔ nɔ ni esa akɛ wɔfee ni wɔsa Nyɔŋmɔ hiɛ.—Lala 1:1-3; Yes. 48:17, 18.

2. Hii sɔrɔtoi aaashɛ 40 kɛ be ni fe afii 1,600 ŋma Biblia lɛ, kɛjɛ 1513 D.Ŋ.B. Woji bibii 66 yɔɔ mli. Nyɔŋmɔ kɛ emumɔ lɛ tsirɛ mɛi ni ŋma Biblia lɛ. Amɛŋmala esusumɔi, jeee amɛ diɛŋtsɛ amɛnɔ̃. No hewɔ lɛ Nyɔŋmɔ ni yɔɔ ŋwɛi lɛ ji Biblia lɛ Ŋmalɔ, shi jeee adesa ko ni yɔɔ shikpɔŋ nɔ.—2 Tim. 3:16, 17; 2 Pet. 1:20, 21.

3. Nyɔŋmɔ kwɛ koni akwɛ Biblia lɛ nɔ ni aŋmala ekomɛi pɛpɛɛpɛ ashwie shi koni abaa yi. Ákala Bibliai babaoo fe woji krokomɛi fɛɛ. Jeee mɔ fɛɛ mɔ baana he miishɛɛ akɛ eeena ni ookase Biblia lɛ, shi kaaha no miitsi onaa. Owɔsɛɛ naanɔ shihilɛ damɔ le ni ooona ole Nyɔŋmɔ kɛ esuɔmɔnaa nii ni ooofee yɛ shitee-kɛ-woo fɛɛ sɛɛ lɛ nɔ.—Mat. 5:10-12; Yoh. 17:3.