Sɔɔmɔ Kpee He Gbɛjianɔtoo
Kadimɔ: Abaato Sɔɔmɔ Kpee he gbɛjianɔ otsi fɛɛ otsi yɛ Wɔ Maŋtsɛyeli Sɔɔmɔ lɛ mli yɛ nyɔji ni akɛbaafee kpokpaa wulu nɔ kpeei lɛ fɛɛ mli. Asafoi lɛ baanyɛ amɛfee tsakemɔi ni he hiaa lɛ koni amɛnyɛ amɛya “Nyiɛmɔ Kristo lɛ Sɛɛ!” Kpokpaa Wulu nɔ Kpee lɛ. (Kwɛmɔ adafitswaa ni tamɔ enɛ ni je kpo yɛ November afi 2006 Wɔ Maŋtsɛyeli Sɔɔmɔ lɛ mli lɛ.) Kɛ́ ebaahi lɛ, nyɛkɛ minitii 15 atĩa ŋaawoo ni baakɔ nyɛsafo lɛ he, ni yɔɔ nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli yɛ naagbee Sɔɔmɔ Kpee ni nyɛbaafee dani nyɛbaaya kpee lɛ mli. Kpee lɛ sɛɛ nyɔɔŋ kome loo nyɔji enyɔ lɛ, nyɛkɛ Sɔɔmɔ Kpee lɛ mli minitii 15 kɛmiimɔ 20 (nyɛbaanyɛ nyɛkɛ enɛ aye asafoŋ hiamɔ nii lɛ najiaŋ) atĩa kpee lɛ mli saji otii ni eye ebua shiɛlɔi yɛ shiɛmɔ nitsumɔ lɛ mli lɛ mli. Esa akɛ sɔɔmɔ nitsumɔ nɔkwɛlɔ lɛ atsu sane mlitĩi lɛ he nii. Ha shiɛlɔi lɛ atsɔɔ bɔ ni amɛkɛ nakai saji lɛ miitsu nii loo bɔ ni amɛto ni amɛkɛbaatsu nii yɛ amɛshiɛmɔ nitsumɔ lɛ mli.
Otsi ni Jeɔ Shishi November 12
Min. 15: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ November 1 Buu-Mɔɔ lɛ kɛ gbɛ ni abaatsɔ nɔ akɛ November Awake! lɛ he klɛŋklɛŋ shiɛmɔ wiemɔ lɛ atsu nii. Yɛ eko fɛɛ eko mli lɛ, akɛ Buu-Mɔɔ lɛ kɛ Awake! lɛ fɛɛ aha, eyɛ mli akɛ ekome pɛ he abaawie. Nyɛsusua “Kpokpaa nɔ Kpee He Gbɛjianɔtoo Hee” lɛ he. Tsɔɔmɔ be ni akɛbaaya kpokpaa nɔ kpee lɛ kɛji akɛ ole.
Min. 30: “Nyiɛmɔ Kristo lɛ Sɛɛ Kɛtsɔ Bulɛ Kpo ní Ooojie lɛ Nɔ.” Asafoŋ woloŋmalɔ lɛ baatsu he nii. Tsĩi kpeei ni atsɔɔ ni nyɛsafo lɛ aya lɛ tã. Tĩi akrabatsa ni ji “Kpokpaa Wulu nɔ Kpee He Kaimɔi” lɛ mli. Too be lɛ he gbɛjianɔ bɔni afee ni anyɛ asusu kaimɔi lɛ fɛɛ ahe.
Otsi ni Jeɔ Shishi November 19
Min. 10: Asafoŋ adafitswai. Tsɔɔmɔ wolo ni akɛbaaha yɛ December. Nyɛsusua “Gbi Kome Kpee Krɛdɛɛ He Gbɛjianɔtoo Hee” lɛ he, ni otsɔɔ be ni akɛbaaya gbi kome kpee krɛdɛɛ lɛ kɛji akɛ ole.
Min. 15: “Nyɛnyiɛa Tamɔ Nilelɔi.” Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
Min. 20: “Kaashashao Shi akɛ Ooofee Biblia Mli Nikasemɔ!” Kɛ́ nyɛmiisusu kuku 5 lɛ he lɛ, bi mɛi ni eye ebua mɛi krokomɛi kɛba anɔkwale lɛ mli kɛtsɔ nii ni amɛkɛ amɛ kase lɛ nɔ lɛ sane. Mɛɛ gbɛ nɔ Biblia mli nikasemɔ ni yaa hiɛ ni amɛfeɔ lɛ haa amɛnaa miishɛɛ? Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ.
Otsi ni Jeɔ Shishi November 26
Lala 172
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha November lɛ aha. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ November 15 Buu-Mɔɔ lɛ aha, kɛ gbɛ ni abaatsɔ nɔ akɛ November Awake! lɛ he shiɛmɔ wiemɔ ni ji enyɔ lɛ atsu nii.
Min. 15: “Minɔ̃ Ji Jwiɛtɛi lɛ, ni Minɔ̃ Ji Shika Lɛ.” Wiemɔ ni onukpa ko baajɛ sane ni yɔɔ November 1, 2007 Buu-Mɔɔ lɛ baafa 17-21 lɛ mli eha.
Min. 20: Oblahii kɛ Oblayei Bibii—Mɛɛ Gbɛ nɔ Nyɛaatsɔ Nyɛjie Yehowa Yi? Okɛ sanebimɔi ni akɛha yɛ sane ni yɔɔ June 15, 2005, Buu-Mɔɔ lɛ baafa 26-28, kuku 15-19 lɛ mli lɛ atsu nii ni okɛ toibolɔi lɛ agba sane. Kɛ́ nyɛmiisusu kuku 18 lɛ he lɛ, ha oblahii kɛ oblayei bibii ni yɔɔ toibolɔi lɛ ateŋ lɛ agba bɔ ni amɛnyɛ amɛye skulbii loo tsɔɔlɔi odase yɛ skul lɛ amɛtsɔɔ.
Otsi ni Jeɔ Shishi December 3
Min. 15: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ July Sɔɔmɔ Akɔntaabuu lɛ he kuku, ní oha mɛi fɛɛ ayekoo yɛ amɛhe ni amɛkɛwo shiɛmɔ nitsumɔ lɛ mli lɛ hewɔ. Wó mɛi fɛɛ hewalɛ koni amɛkɛ amɛshiɛmɔ he akɔntaabuu lɛ aha mra. Wiemɔ Sanebimɔ He lɛ he.
Min. 15: Skul ni Mɛi ni Yakaseɔ Nii yɛ Jɛmɛ lɛ Yeɔ Amɛbuaa Gbɔmɛi yɛ Je Lɛŋ Fɛɛ. Wiemɔ ni abaajɛ sane ni yɔɔ November 15, 2006 Buu-Mɔɔ lɛ baafa 10-13 lɛ mli aha. Okɛ bei fioo abi asafoŋ onukpa loo asafoŋ sɔɔlɔ ko ni yɔɔ nyɛsafo lɛ mli ni tee Sɔɔmɔ Tsɔsemɔ Skul lɛ eko lɛ sane ofata he. Mɛɛ gbɛ nɔ skul lɛ ye kɛbua amɛ ni amɛtee amɛhiɛ akɛ shiɛlɔi, tookwɛlɔi, kɛ tsɔɔlɔi? Wó nyɛmimɛi hii ni shɛɔ taomɔnii lɛ ahe lɛ hewalɛ ni amɛkɛfee oti ni ma amɛhiɛ akɛ amɛbaaya Sɔɔmɔ Tsɔsemɔ Skul lɛ eko.
Min. 15: “Wɔkɛ Mɛi Krokomɛi Gbaa Maŋtsɛyeli lɛ He Hiɛnɔkamɔ ni Wɔyɔɔ lɛ He Sane.” Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
Lala 173
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.