Nyɛbaa! Nyɛbaaná Hewalɛ Hee

1. Wɔyɛ jeŋ ko ni eje eŋlɛ nɔ mli;

Jeŋ ni leko Nyɔŋmɔ gbɛ lɛ.

Gbɛtsɔɔmɔ kpakpa he miihia wɔ fɛɛ kwa;

Wɔnajifaamɔi bɛ wɔdɛŋ.

Wɔkpeei wajeɔ wɔ, kɛ wɔhiɛnɔkamɔ;

Wajeɔ wɔhemɔkɛyeli.

Wɔnuɔ wiemɔi ni haa wɔfeɔ nii kpakpai,

Ni woɔ wɔ hewalɛ yɛ jɛi.

Wɔkuŋ wɔhiɛ wɔshwieŋ Yehowa mla nɔ;

Wɔbaafee nɔ ni esumɔɔ.

Wɔkpeei lɛ tsɔɔ wɔ gbɛ̀i ni ja jogbaŋŋ daa;

Haa wɔsumɔɔ jamɔ krɔŋŋ lɛ.

2. Yehowa le wɔhiamɔ nii fɛɛ jogbaŋŋ;

Saakɛ wɔbo eŋaawoo toi.

Kɛ́ wɔhe be kɛkpe yɛ be kɛ beaŋ lɛ,

No tsɔɔ akɛ wɔyɛ nilee.

Nɔkwɛlɔi lɛ agbɛtsɔɔmɔ kpakpa haa

Wɔjieɔ hemɔkɛyeli kpo.

Suɔmɔ ni nyɛmimɛi kɛfiɔ wɔsɛɛ lɛ

Haŋ wɔnu shoofeemɔ he kwraa.

Hewɔ, beni wɔkwɛɔ be kpakpa gbɛ lɛ,

Wɔkɛ nyɛmimɛi baakpe daa.

Yɛ kpeei nɛɛ ashishi lɛ, wɔbaakase

Ŋwɛi nilee kɛnitsumɔ daa.