Ohiɛ Ahi Oti lɛ Nɔ!

1. Beni shwilafoi aaana nii,

Toimulɔi atoii aaanu nii,

Shia ŋa aaagba afofro frɔŋŋ,

Nu aaatue yɛ shikpɔŋ gbiŋ nɔ,

Obubuafoi aaatumɔ waa,

Ni suɔlɔi ateŋ gbalaŋ dɔŋŋ,

Jɔɔmɔi nɛɛ aaatsɔ onɔ̃ kwraa,

Kɛ́ ohiɛ hi oti lɛ nɔ.

2. Beni mumui aaawie ekoŋŋ,

Hiimeji aaatsɔ oblahii,

Shikpɔŋ aaaba enii naakpa,

Nii kpakpai asɛɛ efoŋ dɔŋŋ,

Gbekɛbii aaalá kɛ miishɛɛ,

Ni toiŋjɔlɛ aaakple jeŋ fɛɛ,

No ooona gbohii miite shi,

Kɛ́ ohiɛ hi oti lɛ nɔ.

3. Beni klaŋ kɛ too aaaye nii,

Jata kɛ tsina aaabu shi,

Gbekɛ fioo aaakpla amɛ fɛɛ,

Ni amɛbaabo egbee toi.

Beni yaafo sɛɛ aaafo kwraa,

Ni gbeyei kɛ nɔnaa bɛ dɔŋŋ,

Ooona Nyɔŋmɔ nitsumɔi nɛɛ,

Kɛ́ ohiɛ hi oti lɛ nɔ.