Tsɔsemɔ ni Nyɔŋmɔ Kɛhãa lɛ Yeɔ Hetsɛ̃ Nɔ

Yehowa kwɛɛɛ hiɛiaŋ. (Bɔf 10:34, 35) Ekpɛlɛɔ mɛi ni jɛ “jeŋmaŋ fɛɛ jeŋmaŋ kɛ weku fɛɛ weku kɛ gbɔmɛi srɔtoi fɛɛ kɛ wiemɔ fɛɛ wiemɔ mli” lɛ anɔ. (Kpo 7:9) No hewɔ lɛ, niiamlijiemɔ loo hiɛiaŋkwɛmɔ bɛ Kristofoi asafo lɛ mli. (Yak 2:1-4) Tsɔsemɔ ni Nyɔŋmɔ kɛhãa lɛ hewɔ lɛ, wɔyɛ mumɔŋ paradeiso mli, ni wɔna mɛi babaoo ni etsake amɛjeŋba ni amɛbafata he. (Yes 11:6-9) Be ni wɔbɔɔ mɔdɛŋ akɛ wɔbaajie hetsɛ̃ fɛɛ hetsɛ̃ kɛjɛ wɔtsui mli lɛ, wɔbatsɔmɔɔ mɛi ni kaseɔ Nyɔŋmɔ.​—Efe 5:1, 2.

KWƐMƆ VIDIO NI JI, JOHNY KƐ GIDEON: TSUTSU HENYƐLƆI BATSƆMƆ NANEMƐI LƐ. NO SƐƐ LƐ, HÃ SANEBIMƆI NI NYIƐ SƐƐ NƐƐ AHETOO:

• Mɛni hewɔ tsɔsemɔ ni Nyɔŋmɔ kɛhãa lɛ nɔ bɛ kɛ́ akɛto mɔdɛŋ ni adesai bɔɔ koni amɛjie hiɛiaŋkwɛmɔ kɛ hetsɛ̃ kɛya lɛ he lɛ?

• Mɛni omii shɛɔ he yɛ ekomefeemɔ ni yɔɔ wɔ kɛ wɔnyɛmimɛi ni yɔɔ jeŋ fɛɛ lɛ teŋ lɛ he?

• Kɛ́ wɔbaa ekomefeemɔ ni yɔɔ wɔteŋ akɛ Kristofoi lɛ yi lɛ, mɛɛ gbɛ nɔ ewoɔ Yehowa hiɛnyam?