Nyɛwowoa Nyɛhe Hewalɛ

1. Hewalɛwoo he miihia wɔ fɛɛ;

No baahã wɔfi shi jogbaŋŋ.

Nyɛmimɛi asuɔmɔ mli baawa;

Wɔbaatsu nitsumɔi kpakpai.

Suɔmɔ feɔ Kristofoi ekome,

Ehãa wɔfiɔ shi kɛ ekãa.

Wɔsafo lɛ ji abobaahe,

No mli wɔnáa hejɔlɛ yɛ.

2. Wiemɔi ni awie yɛ ebe mli,

Kwɛ bɔ ni eshɛjeɔ mɔ mii!

Wɔnuɔ miishɛjemɔ wiemɔi nɛɛ

Kɛ́ wɔyɛ nyɛmimɛi ateŋ.

Nyɛhãa wɔkɛ wɔnyɛmimɛi fɛɛ

Afee ekome kɛsɔmɔ.

Nyɛhãa wɔkpea wɔhe kɛterea

Wɔjatsui yɛ jeŋ fɔŋ nɛɛ mli.

3. Nibii fɛɛ yeɔ odase akɛ

Yehowa gbi lɛ ebɛŋkɛ.

Hewɔ, wɔkpeɔ kutuu be fɛɛ be

Koni wɔnyiɛ egbɛ nɔ daa.

Nyɔŋmɔ webii baafee ekome

Kɛsɔmɔ lɛ kɛya naanɔ.

Hewalɛwoo he hiaa wɔ fɛɛ waa

Koni wɔye anɔkwa daa.