Fɔlɔi—Nyɛwaa Nyɛbii Lɛ Ni Amɛná Hiɛshikamɔ Ni Jɛ Nyɔŋmɔ Ŋɔɔ

Gbɛi kpakpai ni fɔlɔi baanyɛ atsɔ nɔ amɛwa amɛbii ni amɛná hiɛshikamɔ ni jɛ Nyɔŋmɔ ŋɔɔ lɛ eko ji, ni amɛbaaye amɛbua amɛ ni amɛná Kristofoi akpeei he sɛɛ. Nɔ ni nyɛbii lɛ naa ni amɛnuɔ yɛ kpeei ashishi kɛ hetoi ni amɛhãa lɛ baanyɛ ahã amɛkase Yehowa he nii ni amɛbatsɔmɔ enanemɛi kpaakpa. (5Mo 31:​12, 13) Kɛ́ oji fɔlɔ lɛ, mɛɛ gbɛ nɔ obaanyɛ owa obi ni ená Kristofoi akpeei he sɛɛ?

• Bɔɔ mɔdɛŋ ni oya kpeei yɛ Maŋtsɛyeli Asa lɛ nɔ.—La 22:22

• Kɛ́ otee Maŋtsɛyeli Asa lɛ nɔ lɛ, okɛ nyɛmimɛi agba sane dani aje kpee lɛ shishi loo be ni akpa.—Heb 10:25

• Kwɛmɔ ni weku lɛ mli bii lɛ ateŋ mɔ fɛɛ mɔ aná woji ni akaseɔ lɛ eko, ilɛtrɔnik nɔ jio, wolo lɛ diɛŋtsɛ jio

• Wa obi lɛ ni esaa ehe ni ekɛ lɛ diɛŋtsɛ ewiemɔi ahã hetoo.—Mat 21:​15, 16

• Wiemɔ kpeei lɛ kɛ nibii ni atsɔɔ wɔ yɛ jɛmɛ lɛ he ekpakpa

• Wa obii lɛ ni amɛkɛ nyɛmimɛi ni edara lɛ agba sane, ni amɛwa kɛsaa Maŋtsɛyeli Asa lɛ nɔ hu

Ejeee nitsumɔ bibioo akɛ nyɛbaawa nyɛbii lɛ ni amɛtsi amɛbɛŋkɛ Yehowa kpaakpa, ni bei komɛi lɛ ebaanyɛ efee nyɛ ahuntoo po. Shi Yehowa miisumɔ ni ewa nyɛ aahu.—Yes 40:29.

KWƐMƆ VIDIO NI JI, FƆLƆI, NYƐKƐ NYƐHIƐ AFƆ̃A YEHOWA NƆ KONI NYƐNÁ HEWALƐ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Akɛni etɔ Zack kɛ Leah hewɔ lɛ, mɛni ba?

  Your answer

• Mɛni hewɔ esa akɛ fɔlɔi abi Yehowa ni ehã amɛ hewalɛ lɛ?

  Your answer

• Mɛɛ gbɛi anɔ Zack kɛ Leah kɛ amɛhiɛ fɔ̃ Yehowa nɔ koni amɛye omanye?

  Your answer