Wiemɔ Saji Ni Ja Ni Hãa Mɔ Yiŋ Tsɔɔ

Luka 1:3

NƆ NI ESA AKƐ OFEE: Okɛ anɔkwa saji aye abua otoibolɔi lɛ ni amɛmu sane naa yɛ gbɛ ni ja nɔ.

BƆ NI OBAAFEE LƐ OHÃ:

• Taomɔ saji ni ja ni okɛtsu nii. Hã nɔ ni obaawie lɛ adamɔ Nyɔŋmɔ Wiemɔ lɛ nɔ, ni kɛ́ ebaahi lɛ, kanemɔ ŋmalɛi lɛ kɛjɛ mli tɛ̃ɛ. Kɛ́ obaawie jeŋ shikpamɔ sane ko, nɔ ko ni awie yɛ TV loo redio nɔ, niiashikpamɔ ko, loo nɔ kroko he yɛ owiemɔ lɛ mli lɛ, tsɔ hiɛ okwɛ akɛ nakai sane lɛ ja, ni tsakemɔ ko bako he lo.

• Kaatsake saji ahiɛ. Kɛ́ oogbála ŋmalɛ ko mli lɛ, hã ekɛ kukuji ni tsɔ hiɛ kɛ nɔ ni nyiɛ sɛɛ, saji krokomɛi ni yɔɔ Biblia lɛ mli, kɛ saji ni “nyɔŋ anɔkwafo kɛ hiɛshikalɔ lɛ” eŋmala lɛ akpã gbee. (Mat. 24:45) Kɛ́ ootsɛ sane ko yisɛɛ kɛmiijɛ wolo kroko mli lɛ, kaatsake shishinumɔ lɛ loo nɔ ni mɔ lɛ eŋma lɛ hiɛ.

• Okɛ otoibolɔi lɛ asusu nii ahe. Kɛ́ okane ŋmalɛ ko loo otsɛ sane ko yisɛɛ lɛ, okɛ sanebimɔi ni sa loo nɔkwɛmɔnɔ atsu nii kɛye obua otoibolɔi lɛ ni amɛ diɛŋtsɛ amɛmu saji anaa amɛhã amɛhe.