Nyɔŋmɔ Wolo Lɛ​—Eji Jwetri

1. Nyɔŋmɔ edro wɔ wolo ni mli ŋɔɔ waa

Ni hãa wɔnáa toiŋjɔlɛ kɛ miishɛɛ.

Wolo nɛɛ tsɔɔ mɔ nii; eyɛ hewalɛ;

Egbeleɔ hiŋmɛii, ni ehãa wala.

Wolo ni nɔ bɛ nɛɛ ji Ŋmalɛ Krɔŋkrɔŋ.

Yehowa kanya hii ni amɛŋma,

Hii ni sumɔɔ Yehowa Nyɔŋmɔ naakpa,

Emumɔ krɔŋkrɔŋ ni tsirɛ amɛ.

2. Amɛŋma Nyɔŋmɔ adebɔɔ he sane,

Bɔ ni ekɛ ehewalɛ bɔ jeŋ;

Bɔ ni tsutsu ko, gbɔmɔ eye emuu;

Bɔ ni fee ni Paradeiso laaje.

Amɛhã wɔle Abonsam he sane;

Lɛ ji mɔ ni te shi wo Yehowa.

No kɛ esha kɛ gbele kɛ piŋmɔ ba,

Shi etsɛŋ, Yehowa baafo fɛɛ sɛɛ.

3. Be ni wɔyɔɔ mli nɛɛ ji mliflimɔ be:

Maŋtsɛ ni Nyɔŋmɔ ewó miiye nɔ.

Hewɔ, wɔshiɛɔ e-Maŋtsɛyeli sane

Koni mɛi fɛɛ aná hiɛnɔkamɔ.

Saji ni yɔɔ miishɛɛ nɛɛ yɛ Biblia lɛŋ;

Eji mumɔŋ niyenii pii diɛŋtsɛ.

No hãa wɔ toiŋjɔlɛ ni fe jwɛŋmɔi fɛɛ;

Ebiɔ ni wɔkane jwetri nɛɛ daa.