Nyɔŋmɔ Wolo Lɛ​—Eji Jwetri

1. Wolo ko yɛ ni emli wiemɔi lɛ haa

Gbɔmɛi náa miishɛɛ kɛ hiɛnɔkamɔ.

Emli wiemɔi lɛ yɛ hewalɛ diɛŋtsɛ;

Haa “gbohii” wala, “shwilafoi” naa nii.

Wolo nɛɛ ji Nyɔŋmɔ Ŋmalɛ Krɔŋkrɔŋ lɛ.

Nyɔŋmɔ ha hii ŋma emli wiemɔi lɛ,

Hii ni sumɔɔ Yehowa Nyɔŋmɔ jogbaŋŋ,

Mumɔ krɔŋkrɔŋ lɛ ni kanya amɛ.

2. Amɛŋma Nyɔŋmɔ nibɔɔ lɛ he sane,

Bɔ ni ekɛ ehewalɛ bɔ jeŋ.

Gba bɔ ni kulɛ gbɔmɔ eye emuu,

Nɔ hewɔ ni Paradeiso laaje.

Amɛgba ŋwɛibɔfo ko ni te shi wo

Nyɔŋmɔ nɔyeli lɛ, egbe he guɔ.

Enɛ kɛ esha, piŋmɔ, kɛ gbele ba,

Shi etsɛŋ, Yehowa baaye kunim.

3. Ŋmɛnɛ, wɔyɛ be ni miishɛɛ pii yɔɔ mli.

Kristo miiye Nyɔŋmɔ Nɔyeli nɔ.

Be ni Yehowa hereɔ mɛi ni jáa lɛ

Kɛ tsui krɔŋŋ daa gbi lɛ yiwala nɛ.

Anaa miishɛɛ saji nɛɛ yɛ wolo lɛŋ;

Niyenii krɔŋŋ yɛ okpɔlɔ krɔŋŋ nɔ.

Ekɛ toiŋjɔlɛ ni nɔ bɛ haa gbɔmɛi;

Nɛkɛ Jwetri nɛɛ sa kanemɔ waa.