Lala 31
Yehowa Odasefoi Ji Wɔ!
1. Gbɔmɛi jáa tsei kɛ tɛi daa,
Amɛleko Yehowa.
Lɛ ji Nyɔŋmɔ Ofe,
Anɔkwa Nyɔŋmɔ.
Nyɔŋmɔi krokomɛi lɛ nyɛŋ
Ajaje wɔsɛɛ sane.
Amɛbɛ odasefonyo ko,
Ejaakɛ amɛjeee nyɔŋmɔi.
(NƆHEREMƆ)
Wɔji Yeho’a ’Dasefoi,
Wɔwieɔ ni wɔsheee gbeyei.
Wɔ-Nyɔŋmɔ ji anɔkwa gbalɔ;
Egbalɛi fɛɛ baa mli daa.
2. Wɔshiɛɔ Nyɔŋmɔ gbɛi lɛ daa,
Wɔjajeɔ egbojee lɛ.
Wɔkɛ ekãa jajeɔ
E-Maŋtsɛyeli.
No haa humii pii baleɔ
Nyɔŋmɔ anɔkwale gbɛ.
Be ni amɛdaa yɛ mumɔŋ lɛ,
Amɛ kɛ wɔ jieɔ Nyɔŋmɔ yi.
(NƆHEREMƆ)
Wɔji Yeho’a ’Dasefoi,
Wɔwieɔ ni wɔsheee gbeyei.
Wɔ-Nyɔŋmɔ ji anɔkwa gbalɔ;
Egbalɛi fɛɛ baa mli daa.
3. Shiɛmɔ wóɔ Nyɔŋmɔ gbɛi nɔ,
Etseɔ egbɛi krɔŋŋ lɛ he.
Ebɔɔ mɛi ni fiteɔ
Nyɔŋmɔ gbɛi kɔkɔ.
Shiɛmɔ haa mɛi fɔji fɛɛ
Ní tsakeɔ náa eshaifaa.
Hɛɛ, shiɛmɔ haa anáa toiŋjɔlɛ
Kɛ naanɔ wala gbɛkpamɔ.
(NƆHEREMƆ)
Wɔji Yeho’a ’Dasefoi,
Wɔwieɔ ni wɔsheee gbeyei.
Wɔ-Nyɔŋmɔ ji anɔkwa gbalɔ;
Egbalɛi fɛɛ baa mli daa.
(Kwɛmɔ Yes. 37:19; 55:11; Ezek. 3:19 hu.)