Tsuishitoo

1. Yehowa, wɔ-Maŋtsɛ lɛ

Sumɔɔ egbɛi krɔŋkrɔŋ lɛ waa.

Ebaatse egbɛi krɔŋkrɔŋ

Ni agbe he guɔ lɛ he kwraa.

Ená tsui eha gbɔmɛi

Yɛ yinɔsane mli fɛɛ;

Eto etsui shi be kplaŋŋ,

Ni etɔko lɛ kwraa.

Eesumɔ ni ehere

Mɛi srɔtoi fɛɛ ayiwala.

Yehowa tsuishitoo kɛ

Etsuishiŋmɛɛ efeŋ yaka.

2. Tsuishitoo he miihia waa

Kɛha Nyɔŋmɔ gbɛ nɔ nyiɛmɔ.

Tsuishitoo haa toiŋjɔlɛ,

Ehaŋ wɔmli afu oya.

Enaa mɛi asui kpakpai,

Eshweɔ nii kpakpai haa mɛi.

Ni yɛ fimɔ be mli lɛ,

Ehaŋ wɔtsuii afã.

Tsuishitoo kɛ sui kpakpai

Ni mumɔ lɛ haa anáa lɛ,

Baaye abua wɔ jogbaŋŋ

Ni wɔkase wɔ-Nyɔŋmɔ lɛ.