Wɔhiɛ Sɔɔ Nyɔŋmɔ Nikeenii Kpakpai Lɛ

1. Nibii kpakpai kɛ d’romɔ nii,

Nibii ní wɔsumɔɔ,

Shihilɛ mli nibii kpakpai,

Fɛɛ jɛɔ Yehowa ŋɔɔ.

Nyɔŋmɔ yɛ bɔ ni eyɔɔ nɔŋŋ,

Ni etsakeko kwraa.

Yehowa ji wɔ-Bualɔ Fe Fɛɛ,

Wala kɛ la Jɛɛhe.

2. Nyɛkahaa wɔyea ŋkɔmɔ

Yɛ hiamɔ nii ahe;

Wɔle akɛ ebaakwɛ wɔ,

Elɛɔ ŋwɛi loofɔji.

Wɔdiŋ yaka nii asɛɛ kwraa,

Wɔgboŋ yaka deŋme.

Wɔhiɛ sɔɔ Nyɔŋmɔ d’romɔ nii lɛ,

Wɔshihilɛ yɛ mlɛo.

3. Nii wuji yɛ gbɔmɔ hiɛ ji

Yaka nii ha Nyɔŋmɔ.

Nyɛhaa wɔkɛ wɔgbii atsua

Nibii ní haa wala.

Jwetrii ni wɔbɔɔ yɛ ŋwɛi lɛ

Efeŋ yaka nii kwraa.

Wɔhaa wɔmii shɛɔ wɔnii ahe

Ni wɔhiŋmɛi nɔ tseɔ.