Teokrase Sɔɔmɔ Skul lɛ Mlitĩi
Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ June 29, 2015 lɛ mli. Akɛ be ni akɛbaasusu sanebimɔi lɛ eko fɛɛ eko he lɛ efata he koni eye ebua kɛha niiamlitaomɔ kɛ́ aasaa he kɛmiiha skul lɛ otsi fɛɛ otsi.
Mɛni hewɔ gbɛ nɔ ni Mikal tsɔ ekɛ David wie lɛ ejaaa lɛ, ni mɛni esa akɛ gbalashihilɛ mli hefatalɔi akase kɛjɛ sane nɛɛ mli? (2 Sam. 6:20-23) [May 11, w11 10/1 bf. 12 kk. 1]
Be ni gbalɔ Natan kɛɛ David ni eyama sɔlemɔtsu ehã Yehowa ní Yehowa jaje lɛ lɛ, te efee enii ehã tɛŋŋ? (2 Sam. 7:2, 3) [May 11, w12 2/15 bf. 24 kk. 6-7]
Mɛni hewɔ Natan ekɛɛɛ David tɛ̃ɛ akɛ efee esha ni yɔɔ hiɛdɔɔ, shi moŋ lɛ ekɛ nɔkwɛmɔnɔ ni yɔɔ 2 Samuel 12:1-7 lɛ tsu nii lɛ? Mɛɛ gbɛ nɔ amaniɛbɔɔ nɛɛ baanyɛ aye abua wɔ ni wɔtsɔmɔ tsɔɔlɔi ni le nitsɔɔmɔ jogbaŋŋ? [May 18, w12 2/15 bf. 24 kk. 2-3]
Mɛni hewɔ Absalom nyɛ elaka Israelbii lɛ, ni te wɔɔfee tɛŋŋ wɔbu wɔhe kɛjɛ mɛi ni hiɛ Absalom su lɛ ahe ŋmɛnɛ lɛ? (2 Sam. 15:6) [May 25, w12 7/15 bf. 13 kk. 7]
Be ni David yaje fimɔ ko mli lɛ, mɛɛ gbɛ nɔ Yehowa tsɔ eye bua lɛ, ni mɛni wɔbaanyɛ wɔkase kɛjɛ mli? (2 Sam. 17:27-29) [June 1, w08 9/15 bf. 5 kk. 15-16]
Te wɔɔfee tɛŋŋ wɔná bɔ ni David kɛ maŋsɛɛnyo ko ni ji Itai ye ehã lɛ he sɛɛ? (2 Sam. 18:2) [June 1, w09 5/15 bf. 27 kk. 7]
Mɛni mɛi ni edara yɛ afii amli ni yɔɔ asafo lɛ mli lɛ baanyɛ afee kɛkase nɔkwɛmɔnɔ ni Barzilai fee lɛ? (2 Sam. 19:33-35) [June 8, w07 7/15 bf. 15 kk. 1-2]
Mɛni nɔ mi David wiemɔi ni kɔɔ anɔkwayeli he lɛ maa kɛhãa Yehowa tsuji ŋmɛnɛ? (2 Sam. 22:26, Ga Biblia hee) [June 15, w10-E 6/1 bf. 26 kk. 6-7]
Mɛni Natan fee kɛtsɔɔ akɛ eyeɔ Nyɔŋmɔ anɔkwa, ni te wɔɔfee tɛŋŋ wɔkase enɔkwayeli lɛ ŋmɛnɛ? (1 Maŋ. 1:11-14) [June 22, w12 2/15 bf. 25 kk. 1, 4-5]
Mɛɛ shihilɛi amli Nyɔŋmɔ jalɔ ko baanyɛ ekɛ jwɛŋmɔ ni ejaaa aku Nyɔŋmɔ mlai lɛ amli, taakɛ Solomon fee lɛ? (1 Maŋ. 3:1) [June 29, w11 12/15 bf. 10 kk. 12-14]