TRÉZÒ ADAN PAWÒL BONDIÉ | LÉVITIK 1-3
Sakrifis épi ofwann, adan ki lentansion
Sakrifis épi ofwann Lalwa té ka mandé, té ka fè Jéova plézi. Yo té ka anonsé sakrifis Jézi-a é tou sa i té kay pòté di bon (Éb 8:3-5 ; 9:9 ; 10:5-10).
Pa yonn adan sé zannimo-a yo té ka ofè pa té pou ni piès tjak anlè yo. Menm manniè, Jézi ofè an kò ki té pawfé, toutafètman sen (1 Pi 1:18, 19).
Lè sé té sakrifis-brilé-antiè, sé tout ki té ofè. Menm manniè, sé tout antiè, Jézi ofè pwòp kò’y.
Lè an moun té ka fè an ofwann lapé, si Jéova té asèpté’y, moun-tala té an-pé épi Jéova. Menm manniè, sé wen-an ki ka manjé Ripa Senyè-a, an-pé épi Bondié.