28 JUIYÉ – 3 OUT

PWOVÈB 24

Kantik 38 épi lapriyè | Pawòl pou koumansé (1 min)

TRÉZÒ PAWÒL BONDIÉ

1. Annou rann lafwa-nou pli fò avan léprèv rivé

(10 min)

Étidié pou ni plis konésans épi plis sajès (Pw 24:5 ; it-2-F 563 § 4).

Kontinié priyé, li Labib touléjou épi alé réyinion menm lè ou dékourajé (Pw 24:10 ; w09-F 15/12 18 § 12-13).

Lè nou enmen Jéova épi nou ni an lafwa ki solid sa ka endé nou rilévé kònou magré sé léprèv-la nou ka jwenn (Pw 24:16 ; w20.12-F 15).

Menmsi i ni an maladi grav, an sè ka préché kay an kay épi an lòt sè, yo tou lé dé souriyan. I ka montré an madanm an bagay asou tablèt-li, madanm-lan ka kouté’y douvan lapòt kay-li.

2. Trézò èspiritièl

(10 min)

Pw 24:27 : Kisa pwovèb-tala ka ansénié nou ? (w09-F 15/10 12).

Répons-ou
Ki trézò èspiritièl ou touvé adan lèkti Labib-la simenn-tala ?

Répons-ou

3. Lèkti Labib-la

(4 min) Pw 24:1-20 (th lison 11).

VINI PLI FILÉ ADAN MINISTÈ-A

4. Koumansé an ti-kozé

(2 min) TÉMWAYAJ LÈ’W NI LOKAZION. Ti-kozé a ka fini avan ou ni tan préché ba moun-lan (lmd lison 2 pwen 4).

5. Koumansé an ti-kozé

(3 min) KAY AN KAY (lmd lison 3 pwen 4).

6. Koumansé an ti-kozé

(3 min) TÉMWAYAJ PIBLIK. Di moun-lan i pé ni an létid Labib épi ba’y an kat « létid biblik » (lmd lison 4 pwen 3).

7. Diskou

(3 min) lmd apendis A pwen 11. Tèm : Bondié lé ba nou an mésaj enpòwtan (th lison 6).

LAVI AN KRÉTJEN

Kantik 99

8. Annou kolé zépòl yonn épi lòt adan léprèv

(15 min). Diskision.

Pidémi, katastwòf natirèl, dézòd adan lapopilasion, ladjè oben pèsékision pé rivé an manniè blip anlè nou. Lè bagay konsa ka rivé, sé frè é sè-nou an ka kolé zépòl pou endé épi ankourajé kòyo yonn a lòt. É menmsi sé pa nou ki ka jwenn sé difikilté-tala, nou ka soufè épi frè é sè-nou, sé pousa nou ka fè tousa nou pé pou endé yo (1Ko 12:25, 26).

Zimaj : Témwen Jéova ki ka endé frè é sè-yo diféran manniè. 1. Frè é sè ka viré konstwi an sal Wayòm apré an katastwòf natirèl. 2. Frè é sè ka akéyi épi chalè an manman épi tifi’y li ki réfijié. 3. An sè ka mété lajan adan an bwèt ofwann adan sal Wayòm-lan. 4. Douvan an sal Wayòm, frè é sè ka distribié bagay ki nésésè ba frè é sè ki réfijié. 5. Volontè ka distribié boutèy dlo. 6. An frè ka priyé.

Li 1 Wa 13:6 épi Jak 5:16b. Apré mandé :

Lè an sèvitè Bondié ka priyé ba dòt moun, poutji lapriyè-tala « ni anpil fòs » ?

Répons-ou

Li Mak 12:42-44 épi 2 Korentjen 8:1-4. Apré mandé :

Menmsi nou pa ni anpil lajan, épi sé sèlman an ti-lanmonné nou pé ba pou fè travay-nou vansé asou tout latè, épi pou endé frè é sè-nou. Poutji fòk pa nou ézité ba ?

Répons-ou

Gadé VIDÉWO-a Yo ka endé frè-yo ki anba lentèdiksion. Apré mandé :

Ki sakrifis yonn-dé frè asèpté fè épi lanmou, pou endé sé frè é sè-a ki té anba lentèdiksion pa koté Léwòp Lès ?

Répons-ou
Menm anba lentèdiksion, ki manniè sé frè é sè-a fè pou kontinié suiv lòd alé réyinion épi ankourajé kòyo ? (Éb 10:24, 25).

Répons-ou