1ié-7 AVRIL
SÒM 23-25
Kantik 4 épi lapriyè | Pawòl pou koumansé (1 min)
1. « Jéova sé Bèrjé-mwen »
(10 min)
Jéova ka djidé nou (Sm 23:1-3 ; w11-F 1/5 31 § 3).
Jéova ka pwotéjé nou (Sm 23:4 ; w11-F 1/5 31 § 4).
Jéova ka ba nou manjé (Sm 23:5 ; w11-F 1/5 31 § 5).
Jéova ka otjipé di sèvitè’y kon an bèrjé ki enmen brèbi’y ka pran swen di yo.
MANDÉ KÒW : « Ki manniè Jéova ka otjipé di mwen ? »
2. Trézò èspiritièl
(10 min)
Sm 23:3 : « Sé chimen-an ki dwèt la » sé kisa, é kisa ki pé endé nou rété anlè sé chimen-tala ? (w11-F 15/2 24 § 1-3).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 23:1 – 24:10 (th lison 5).
4. Koumansé an ti-kozé
(3 min) TÉMWAYAJ LÈ’W NI LOKAZION. Montré an moun ki entjèt lè i ka gadé léta Latè-a an vèsé biblik ki kèy ankourajé’y (lmd lison 2 pwen 5).
5. Kontinié an ti-kozé
(4 min) KAY AN KAY. Montré an moun ki aksèpté bwochi-a Viv an bèl lavi pou toujou !, ki manniè an létid Labib ka pasé (lmd lison 9 pwen 3).
6. Fè an létid biblik
(5 min) lff lison 14 kèsion 4 (lmd lison 11 pwen 3).
Kantik 54
7. Nou ka rifizé kouté vwa moun nou pa konnèt
(15 min). Diskision.
Sé brèbi-a konnèt vwa bèrjé-yo é yo ka suiv li. Men, lè yo ka tann vwa an moun yo pa konnèt, yo ka chapé-kouri (Jn 10:5). Menm manniè ki yo, nou ka kouté vwa Jéova épi Jézi, sé Bèrjé-nou an ki enmen nou. Nou sav nou pé fè yo konfians (Sm 23:1 ; Jn 10:11). Men okontrè, nou ka pran kouri douvan vwa moun nou pa konnèt ki ka chèché fébli lafwa-nou épi « pawòl pou kouyonnen moun » (2Pi 2:1, 3).
Jénèz chapit 3 ka rakonté ki manniè pou prèmié fwa lézòm tann vwa an étranjé asou latè. Satan pa di Èv ki moun i té yé poubon, sé konsa i rivé kouyonnen’y. Satan fè’y kwè i té zanmi’y, é i tounen pawòl Jéova épi manti asou lentansion’y. Malérèzman Èv kouté’y, é akòz di sa, i mennen soufwans térib ba fanmiy-li é ba’y tou.
Jòdi-a ankò, Satan ka fè tousa i pé pou fè nou douté di Jéova épi òwganizasion’y lè i ka répann mansonj épi enfòwmasion ki pa vré pou twonpé moun. Lè nou ka tann vwa an étranjé, fòk nou pran kouri ! Kouté, menm an ti kou, jiskont pou sav, danjéré menm. Konben mo Satan sèvi pou kouyonnen Èv adan ti palé-a i fè épi’y ? (Jé 3:1, 4, 5). Men ki manniè pou nou réyaji si an moun nou konnèt, ouben an moun nou enmen ki ni bon lentansion lé montré nou enfòwmasion ka malpalé lòwganizasion Jéova ?
Gadé VIDÉWO-a Annou rifizé kouté « vwa moun nou pa konnèt ». Apré mandé :
Kisa zòt aprann asou manniè Jad réyaji lè manman’y ki pa Témwen éséyé malpalé lòwganizasion Jéova ?
8. Létid biblik lasanblé-a
(30 min) bt chap. 8 § 1-4 épi sé kad-la p. 61-62.