Fè pa ta’w pou i ni lajwa adan lafanmi’w

Jéova lé i ni lajwa adan tout fanmi (Sm 127:3-5 ; Ék 9:9 ; 11:9). Men, sa pé rivé nou ni mwens lajwa palakòz présion monn-tala é lérè yonn-dé manm lafanmi-nou fè. Alò kisa nou chak la pé fè pou i ni lajwa adan lafanmi-nou ?

Mari-a ka ba madanm-li lonnè (1Pi 3:7). I ka pasé tan épi’y. I pa ka mandé’y twòp é i ka montré rikonésans-li pou tousa i ka fè ba’y é ba sé yich-yo a (Kl 3:15). I ka di’y i enmen’y é i fiè palé di kalité’y (Pw 31:28, 31).

Madanm-lan ka fè tousa i pé pou soutienn mari’y (Pw 31:12). I ka soumèt kòy é i ka travay kantékant épi mari’y (Kl 3:18). I plen bonté lè i ka palé ba’y, é osi lè i ka palé di’y (Pw 31:26).

Lé paran ka pasé tan épi timanmay-yo (Dt 6:6, 7). Yo ka di yo yo enmen yo (Mt 3:17). Lè fòk yo ba yo an korèksion, yo ka fè’y épi lanmou épi bon jijman (Éf 6:4).

Sé timanmay-la ka ba lé paran-yo lonnè épi ka obéyi yo (Pw 23:22). Yo ka di yo sa yo ka pansé é sa yo ka risanti. Yo ka aksèpté disiplin-lan yo ka ba yo épi yo ka montré yo ni rèspé ba yo (Pw 19:20).

GADÉ VIDÉWO-A KONTINIÉ KILTIVÉ LAJWA AN FANMI ZÒT, APRÉ RÉPONN KÈSION-TALA :

Kisa chak moun adan vidéwo-tala ka fè pou i ni lajwa adan fanmi-an ?