4:10-15

Pas Jéova endé’y, Moyiz rivé genyen lapè i té ni. Kisa nou pé aprann asou kozé-a Jéova fè épi Moyiz ?

• Annou pa mété lespri-nou selman asou sa nou pa sa fè.

• Nou pé asiré Jéova kay ba nou tou sa nou bizwen pou réyalizé travay nou pou fè.

• Pou nou pa kayé douvan lézonm, rimed-la sé lafwa an Bondié.

O koumansman, Moyiz douté, i pa kwè i té kapab fè mision-an Jéova té ba’y (Èg 4:10, 13). Es ou ja risanti sa ? Es ou ka étidié Labib épi Témwen Jéova ? Es ou ka mandé kòw si an jou ou ké kapab préché kay an kay ? Oben, ou jenn, é pétet ou pè défann lafwa’w lékol. Oben, ou pè préché pa téléfòn oben fè dot model témwayaj piblika. Sipliyé Jéova ba’w fos lespri sen’y (1 Pi 4:11). Ou pé asiré i kay endé’w akonpli nenpot ki travay i ka ba’w (Èg 4:11, 12).