Kon Labib-la ka di, « lavi an nonm […] kout toubannman, é i néyé anba pwoblèm » (Jòb 14:1). Ès sé sa Bondié lé ba nou poutoutbon ? Alò, ki pwojé Bondié ni ba nou ? Ès nou kèy wè’y an jou ? Annou gadé répons Labib-la, yo kèy ankourajé nou.

1. Ki kalté lavi Jéova lé nou ni ?

Jéova lé nou ni pli bèl lavi ki ni. Lè i kréyé prèmié nonm-lan é prèmié fanm-lan, Adan épi Èv, i mété yo adan an bèl paradi, jaden Lédenn. Apré sa i béni yo épi i di yo konsa : « Fè timanmay, miltipliyé kòzòt ; plen latè-a, épi tjenbé’y anba lanmen-zòt » (Jénèz 1:28). Jéova té prévwè yo té ni timanmay, yo té fè tout latè-a tounen paradi épi yo té otjipé sé zannimo-a. Sa i té lé, sé ki tout nonm ni an santé pawfé é viv pou toujou.

Sé pa konsa lavi-nou yé jòdia, men pwojé Bondié pa chanjé (Izayi 46:10, 11). I lé moun ki ka kouté’y viv pou létèrnité adan pli bèl kondision ki ni (li Révélasion 21:3, 4).

2. Ki manniè nou pé ni an lavi ki ni sans dépi atjèlman ?

Jéova kréyé nou an manniè pou nou bizwen’y. Sa lé di nou bizwen konnèt li épi adoré’y (li Matié 5:3-6). I lé nou vini bon zanmi épi’y, ki nou « suiv tout chimen’y ». I lé nou enmen’y, ki nou sèvi’y épi ‘tout tjè-nou’ (Détéwonòm 10:12 ; Sòm 25:14). Lè nou fè sa, nou ka ni tjè kontan magré nou ni pwoblèm. Adoré Jéova ka ba lavi-nou an sans paskè nou ka viv annakò épi manniè i kréyé nou.

3. Jéova ni an bèl pwojé toubannman ba lézòm

Gadé VIDÉWO-a épi diskité kèsion-an ka vini an.

VIDÉWO : Poutji Bondié kréyé latè ? (mòso) (1:41)

• Poutji Bondié fè planèt-nou an sitèlman bèl ?

Li Éklézias 3:11 épi diskité kèsion-tala :

• Kisa vèsé-tala ka aprann nou anlè Jéova ?

4. Pwojé Jéova pa chanjé

Li Sòm 37:11, 29 épi Izayi 55:11, épi diskité kèsion-tala :

• Koumanniè nou sav pwojé-a Jéova ni ba nou pa chanjé ?

5. Adoré Jéova ka ba lavi-nou an sans véritab

VIDÉWO : Man konprann sans lavi-a (5:03)

• Kisa ki chanjé ba Terumi, lè i dékouvè lavi-a ni an sans ?

Li Éklézias 12:13 épi diskité kèsion-tala :

• Lè ou ka sonjé sa Jéova za fè ba nou, kisa sa ka ba’w anvi fè ba’y ?

SA’W APRANN

Jéova lé nou viv pou toujou anlè latè, adan pli bèl kondision ki ni. Adoré Bondié épi tout tjè-nou ka ba lavi-nou an sans dépi atjèlman.

An ti viré gadé

• Ki pwojé Jéova té ni ba Adan épi Èv ?

• Ki manniè nou sav pwojé Bondié pou lézòm pa chanjé ?

• Koumanniè nou pé ba lavi-nou an sans véritab ?

TIBREN PLIS ANKÒ

Ès jaden Lédenn èkzisté poubon ?

« Le jardin d’Éden—Un mythe ? » (La Tour de Garde, 1^ié janvié 2011)

Kisa ka ba nou lasirans latè kèy toujou la ?

« Ès latè-a kay détwi ? » (awtik jw.org)

Kisa Labib ka di anlè sans lavi-a.

« Poutji nou asou latè ? » (awtik jw.org)

Gadé ki manniè an nonm ki té konprann i té ni tout bagay, touvé sa i té mantjé an lavi’y.

Aprézan, lavi-mwen ni an sans (3:55)

2. Ki moun ka dirijé épi Jézi ?

Jézi sé pa sèl dirijan Wayòm-lan ni. Labib ka di « moun tout tribi, lang, pèp, épi nasion [...] pou vini wa pou dirijé latè » (Révélasion 5:9, 10). Konben moun kéy dirijé épi Kris ? Dépi Jézi vini anlè latè, i ni milion moun ki vini disip-li. Men sé pa yo tout ki ké alé an sièl pou dirijé épi’y. I ni sèlman 144 000 moun ki ké gouvèné épi Jézi (li Révélasion 14:1-4). Tout sé lézòt krétjen-an kéy viv anlè latè anba dominasion Wayòm-lan (Sòm 37:29).

Wayòm Bondié enstalé an sièl-la. Talè, i kay chanjé an patjé bagay anlè latè. Annou wè ki bon bagay i kèy fè.

1. Ki manniè wayòm Bondié-a kèy viré mété lapé épi lajistis anlè latè ?

Jézi, Wa wayòm Bondié, ké détwi sé moun méchan-an épi sé gouvènman-an pandan ladjè Armagédon (Révélasion 16:14, 16). A moman-tala, pwonmès Labib-tala kèy vini réyalité : « Adan an ti moman, pé ké ni méchan ankò » (Sòm 37:10). Gras a Wayòm-lan, Jézi kay plen latè épi lapé èk lajistis (li Izayi 11:4).

2. Koumanniè lavi-a kay yé lè volonté Bondié kèy fèt anlè latè ?

Lè wayòm Bondié kéy dirijé latè, « moun ki jis, latè kay ta yo épi yo kay viv anlè’y pou tout tan » (Sòm 37:29). Imajinen sa ! Tout moun kay bon ; tout moun kay enmen Jéova é enmen lézòt. Pé kéy ni moun malad ankò, é nou kéy ni an bèl lavi pou toujou.

3. Apré dèstriksion sé méchan-an, kisa wayòm Bondié-a kèy fè ?

Apré dèstriksion sé méchan-an, Jézi kéy gouvèné pandan 1 000 lanné ankò. Pandan tout tan-tala, épi sé 144 000 moun-lan ki ké dirijé épi’y, Jézi kéy endé lézòm vini pawfé. Lè sé 1 000 lanné-tala kèy bout, latè kèy an bèl paradi plen épi moun biennéré pas yo ka obéyi lwa Jéova. Alò, Jézi kay rimèt Papa’y Wayòm-lan, é ‘non Jéova kèy vini sen’ kon sa pa janmen fèt avan (Matié 6:9, 10). A moman-tala, tout moun kay wè Jéova sé an bon dirijan ki ka pran swen tout moun ki ka sèvi’y. Apré sa, Jéova kèy détwi Satan, sé démon-an épi tout sé moun-lan ki chwazi ribélé kont dominasion’y (Révélasion 20:7-10). Tout bon bagay wayòm Bondié-a ké fè kay diré pou tout tan.

ANNOU PLI LWEN

4. Wayòm Bondié-a kèy fè gouvènman lézòm disparèt

« Nonm ka dominé asou nonm, pou fè yo soufè » (Éklézias 8:9). Gras a wayòm-li, Jéova kèy réglé lenjistis-tala.

Li Danièl 2:44 épi 2 Tésalonisien 1:6-8, épi diskité sé kèsion-tala :

• Kisa Jéova épi Jézi kèy fè sé gouvènman-an épi sé moun-lan ki ka soutjenn yo ?

• Silon sa ou aprann anlè Jéova épi Jézi, poutji ou asiré yo kèy aji épi jistis ?

5. Jézi sé pli bon wa ki ni

Jézi, Wa wayòm Bondié-a kèy pòté anpil bienfé ba moun ki kay viv anba dominasion’y anlè latè. Gadé VIDÉWO-a pou wè koumanniè Jézi ja montré i anvi endé sé moun-lan, épi osi manniè Bondié ba’y pouvwa fè sa.

VIDÉWO : Jézi montré sa Wayòm-lan kèy fè (1:13)

Lè i té anlè latè, Jézi ba an ti lidé asou sa Wayòm-lan kèy fè. Adan sé bénédision-tala, kilès ou pli présé wè ? Pou chak bénédision, li sé vèsé-a yo ka pwopozé’w.

6. Wayòm Bondié kèy ba nou an bèl lavni

VIDÉWO : An kout zié anlè bèl lavi-a ki ka atann nou (4:38)

Li Sòm 145:16 épi diskité kèsion-tala :

• Jéova kay ba « tout kréyati ki vivan [...] tousa yo anvi ». Kisa sa ka fè’w sav sa ?

SA’W APRANN

Wayòm Bondié ké atenn òbjèktif-li. I kèy fè latè-a vini an paradi éti sèvitè Jéova kèy viv pou toujou.

An ti viré gadé

• Koumanniè wayòm Bondié kèy rann non Jéova sen ?

• Poutji nou asiré wayòm Bondié kèy réyalizé pwonmès Labib-la ?

• Adan tousa Wayòm-lan kèy fè, kisa ou présé wè toubannman ?

TIBREN PLIS ANKÒ

Armagédon, kisa sa yé ?

« Ladjè Armagédon sé kisa ? » (awtik jw.org)

Gadé sa ki kèy fèt pandan périòd-la Jézi kriyé « gran tribilasion-an » (Matié 24:21).

« Qu’est-ce que la grande tribulation ? » (awtik jw.org)

An fanmi ka imajinen ki manniè lavi-yo kèy yé adan paradi-a.

Wè kòw adan Paradi-a (1:50)

Adan awtik-la « J’étais tourmenté par de nombreuses questions », an ansien militan politik ka èsplitjé koté i touvé répons kèsion i té ka pozé kòy.

« La Bible transforme des vies » (La Tour de Garde, 1^ié janvié 2012)