Kisa sa lé di rété apa ?

Jézi di sé disip-li a pa pou « mélanjé épi monn-lan » (Jan 15:19). Sa lé di yo ka rété apa adan zafè politik épi ladjè. Avrédi, sa pa toujou fasil rété apa. Akòz di sa, moun pé di bétiz anlè nou, oben mété nou alafèt. Ki manniè nou pé kontinié rété apa épi montré fidélité-nou ba Jéova ?

1. Koumanniè sé vré krétjen-an ka wè sé gouvènman-an ?

Sé Témwen Jéova-a ka rèspèkté sé gouvènman-an. Nou ka fè sa Jézi mandé lè i di fòk nou « viré ba Séza sa ki ta Séza », sétadi nou ka obéyi sé lwa péyi-a, kontèl péyé lenpo-nou (Mak 12:17). Labib-la ka èsplitjé sé gouvènman-an ka dirijé sèlman pas Jéova ka kité yo dirijé (Women 13:1). Kidonk sa ka pèwmèt nou konprann ki sé gouvènman-an ni mwens lotorité ki Bondié. Nou ni konfians Bondié èk wayòm-li kèy réglé pwoblèm limanité.

2. Kouman nou pé montré nou ka rété apa ?

Sé Témwen Jéova-a pa ka mélé adan zafè politik pas yo ka suiv lègzanp Jézi-a. An jou, lè sé moun-lan wè an mirak Jézi té fè, yo té lé mété’y wa, men i rifizé (Jan 6:15). Poutji ? An lòt jou i èsplitjé : « Wayòm-mwen pa adan monn-tala » (Jan 18:36). Jòdi-jou, an disip Kris ni pliziè manniè pou montré i ka rété apa : I pa ka fè ladjè (li Miché 4:3). I ka rèspèkté sé senbòl-la ka riprézanté an péyi, kontèl sé drapo-a, men i pa ka aji an manniè ki ka montré i ka adoré yo (1 Jan 5:21). É i pa ka pran ba piès kandida politik oben piès pati politik. Lè i ka fè tout sé bagay-tala épi dòt ankò, i ka montré fidélité’y ba an sèl gouvènman : wayòm Bondié-a.

ANNOU PLI LWEN

3. Vré krétjen ka rété apa

Jézi épi sé disip-li a kité an lègzanp ba nou. Li Women 13:1, 5-7 épi 1 Piè 2:13, 14. Apré gadé VIDÉWO-a épi diskité sé kèsion-an ka vini an.

VIDÉWO : Vré krétjen ka rété apa (mòso 1) (4:28)

• Poutji nou dwé rèspèkté sé lotorité Péyi-a ?

• Ki manniè nou pé montré nou ka soumèt kònou anba sé lotorité-tala ?

Lè ni ladjè, ni péyi ki ka di yo pa ka pran ba pèsonn, men a bien gadé, sé sé dé kan-an yo ka endé. Men rété apa, kisa sa lé di poubon ? Li Jan 17:16. Apré gadé VIDÉWO-a épi diskité kèsion-an ka vini-an.

VIDÉWO : Vré krétjen ka rété apa (mòso 2) (3:11)

• Sa sa lé di rété apa ?

É si gouvènman ka mandé’w fè an bagay lalwa Bondié ka entèwdi ? Li Akt 5:28, 29. Apré gadé VIDÉWO-a épi diskité sé kèsion-an ka vini an.

VIDÉWO : Vré krétjen ka rété apa (mòso 3) (1:18)

• Si an lwa lézòm ka mandé nou fè an bagay lalwa Bondié ka entèwdi, kilès nou ké obéyi ?

• Adan ki sitiyasion an krétjen sé pé dézobéyi sé lotorité-a ?

4. Rété apa kisiswa an lèspri-nou oben aksion-nou

Li 1 Jan 5:21. Apré gadé VIDÉWO-a épi diskité sé kèsion-an ka vini an.

VIDÉWO : Poutji vré krétjen bizwen kouraj pou rété apa (2:49)

• Poutji Ayenge rifizé soutni pati politik-la épi pran pa adan sérémoni patriyòt ?

• Ès ou ka pansé i pran an bon désizion ?

Adan ki sitiyasion ankò sa pé difisil rété apa ? Gadé VIDÉWO-a épi diskité sé kèsion-an ka vini an.

VIDÉWO : Lison nou pé ritjenn adan Tou di Gad-la : Rété apa andidan an monn divizé (5:16)

• Ki manniè nou pé rété apa lè i ni an konpétision entèwnasional ispò ?

• Ki manniè nou pé rété apa menm si gouvènman-an ka pran désizion ki ni an éfé anlè nou ?

• Ki éfé sa jounalis épi sa moun ki oliwon nou ka di, pé ni anlè manniè nou ka rété apa ?

SA’W APRANN

Kisiswa an lèspri’y, adan sa i ka di oben sa i ka fè, an krétjen ka travay rèd pou i pa pran pa adan zafè politik.

An ti viré gadé

• Ki manniè nou dwé konpòté kònou épi sé gouvènman-an ?

• Poutji an krétjen pa ka mélé adan zafè politik ?

• Adan ki sitiyasion sa pa fasil rété apa ?

TIBREN PLIS ANKÒ

Sakrifis an krétjen té paré fè pou rété apa.

Jéova pa jen désivwè nou (3:14)

Ki manniè an fanmi pé préparé kòy, pou sav sa i ké fè adan an sitiyasion ki kèy mandé i rété apa.

Annou rété apa adan lévènman piblik (4:25)

Listwa an nonm ki té ka pansé pli gran lonnè i té pé ni sé té défann péyi’y.

« Tout bagay posib ba Bondié » (5:19)

Adan travay-nou, ki manniè nou pé rivé ‘pa pran pa adan monn-lan’ ?

« Chacun portera sa propre charge » (La Tour de Garde, 15 maws 2006)

Tout krétjen kèy jwenn lopozision pétèt menm lapèsékision an lavi’y. Ès sa pou fè’w pè ?

1. Poutji nou sav nou kèy pèsékité an jou ?

Labib-la ka di franchman : « Tout moun ki lé viv adan liannaj épi Bondié èk adan linité épi Jézikri, yo tou, yo ké pèsékité yo » (2 Timoté 3:12). Yo pèsékité Jézi pas i té ka rété apa monn Satan-an. Nou osi, nou ka rété apa monn-tala. Kidonk, nou pa ka soté lè sé gouvènman-an oben sé rèlijion-an adan monn-tala ka pèsékité nou (Jan 15:18, 19).

2. Ki manniè nou pé paré kònou ba lapèsékision ?

Fòk nou rann konfians-nou adan Jéova pli fò, dépi atjèlman. Chak jou, annou pran tan priyé épi li Bib-la. Pran labitid alé réyinion. Sé tousa ki ké ba nou lafòs épi kouraj tjenbé douvan tout kalté pèsékision, menm pèsékision ki ka vini di fanmiy-nou. Lapòt Pòl, ki té souvan pèsékité ékri : « Jéova sé soukou-mwen ; man pé ké pè » (Ébré 13:6).

Nou ké ni ankò plis kouraj si nou ka préché régilièrman. Lè nou ka préché, nou ka aprann fè Jéova konfians, épi nou ka aprann pa tranblé douvan moun (Pwovèb 29:25). Konsa, si an jou sé lotorité-a ka entèwdi aktivité-nou, nou kèy paré pou afwonté sitiyasion-tala é nou kéy kontinié préché épi kouraj (1 Tésalonisien 2:2).

3. Ki bienfè nou ka jwenn lè nou ka andiré lapèsékision ?

Sa vré, nou pa enmen lè yo ka pèsékité nou, men sipòté lapèsékision ka rann lafwa-nou pli fò. É lè nou ka pèd fòs douvan lapèsékision, santi Jéova ka endé nou, ka lianné nou plis épi’y ankò (li Jak 1:2-4). Sa ka fè Jéova lapenn lè nou ka soufè, men i kontan lè i ka wè nou tjenbé rèd. Labib-la ka di : « Si zòt ka andiré soufwans pas zòt fè sa ki bien, sé an bagay agréyab an zié Bondié » (1 Piè 2:20). Jéova kèy rékonpansé tousa ki andiré épi fidélité. Tousa ki rété fidèl, Jéova kèy ba yo lavi étèrnèl adan an monn éti pèsonn pé ké opozé a vré adorasion-an ankò (Matié 24:13).

ANNOU PLI LWEN

4. Ou pé sipòté lè sé lafanmi’w ka pèsékité’w

Jézi té avèti nou, fanmiy-nou sé pé pa dakò épi chwa nou fè di sèvi Jéova. Li Matié 10:34-36 épi diskité kèsion-tala :

• Lè an moun pran désizion sèvi Jéova, ki manniè fanmiy-li pé réyaji ?

VIDÉWO : Jéova ouvè dé bra’y ba nou (5:13)

• Sa ou kèy fè si fanmiy-ou oben an zanmi éséyé anpéché’w sèvi Bondié ?

Li Sòm 27:10 épi Mak 10:29, 30. Apré lèkti chak vèsé, diskité kèsion-tala :

• Ki manniè pwonmès-tala pé endé’w tjenbé douvan lopozision an moun an fanmiy-ou oben an zanmi ?

5. Kontinié adoré Jéova menm si yo ka pèsékité’w

VIDÉWO : Montré nou ni kouraj magré lapèsékision (6:27)

• Kisa ki ka ankourajé’w adan sé lègzanp-tala ?

Li Akt 5:27-29 épi Ébré 10:24, 25. Apré lèkti chak vèsé, diskité kèsion-tala :

• Menm si laprédikasion oben sé réyinion-an entèwdi, poutji sa enpòwtan menm kontinié adoré Jéova ?

6. Jéova kèy endé’w sipòté

VIDÉWO : Jéova kay ba mwen lafòs (3:40)

• Kisa ki endé sé Témwen-tala tjenbé rèd ?

Li Women 8:35, 37-39 épi Filipien 4:13. Apré lèkti chak vèsé, diskité kèsion-tala :

• Kouman sé vèsé-tala ka ba’w lasirans ou pé andiré nenpòt ki léprèv ?

Li Matié 5:10-12 épi diskité kèsion-tala :

• Poutji nou pé ni tjè kontan magré yo ka pèsékité nou ?

SA’W APRANN

Rété fidèl a Jéova, menm lè nou pèsékité, ni anpil valè ba’y. Gras a li, nou pé tjenbé rèd lè nou pèsékité.

An ti viré gadé

• Poutji sé krétjen-an sav yo ké pèsékité ?

• Kisa ou pé fè dépi aprézan pou paré kòw lè yo ké pèsékité’w ?

• Poutji ou pé asiré ou pé rété fidèl a Jéova magré éprèv ou ka andiré ?

TIBREN PLIS ANKÒ

An jenn frè ki fè lajòl pas i rété apa ka rakonté ki manniè Jéova endé’y.

Annou tjenbé rèd magré lapèsékision (2:34)

Sa ki endé dé moun mayé sèvi Jéova épi fidélité magré yo jwenn lopozision pandan pliziè lanné.

Yo kontinié sèvi Jéova magré an patjé chanjman (7:11)

Kouman montré nou ni kouraj douvan lapèsékision ?

« Prépare-toi dès maintenant à la persécution » (La Tour de Garde, juiyé 2019)

Lè fanmi-nou ka pèsékité nou, kisa nou pé fè pou rété an pé épi rété fidèl a Jéova ?

« La vérité apporte, “non pas la paix, mais l’épée” » (La Tour de Garde, òktòb 2017)