-
Koumanniè pran bon désizion ?Viv an bèl lavi pou toujou ! (An létid Labib ki pé pwofité’w)
-
-
5. Pa bliyé konsians lézòt
Nou tout pa ka pran sé menm désizion-an. Koumanniè nou pé montré konsians lézòt sé pwoblèm-nou tou ? Annou wè 2 lègzanp :
Sitiyasion 1 : An sè ka rivé adan an sanblé éti an patjé sè jennen palakòz an manniè abiyé i enmen.
Li Women 15:1 épi 1 Korentjen 10:23, 24, épi diskité sé kèsion-tala :
Ki désizion sè-a pétèt ké pran si i kité sé vèsé-tala djidé’y ? Imajinen ou épi an moun éti konsians-li ka entèwdi’y fè an bagay, alòs ki konsians-ou ka pèwmèt ou fè’y. Sa’w ké fè ?
Sitiyasion 2 : Sa vré, Labib pa ka entèwdi brè alkòl. Men an frè pran désizion pa brè piès. Mi-anvwala, yo envité’y adan an swaré éti i ka wè dòt Témwen ka brè alkòl.
Li Éklézias 7:16 épi Women 14:1, 10, épi diskité sé kèsion-tala :
Si i ka suiv larèl sé vèsé-tala, asiré, ki atitid frè-a ké ni ? Si an jou ou ka wè an moun fè an bagay konsians-ou ka entèwdi’w fè, koumanniè ou ké réyaji ?
Pou pé sa pran an bon désizion
1. Mandé Jéova endé’w (Jak 1:5).
2. Fè richèch adan Labib-la épi piblikasion-nou pou sav ki prensip ki bon adan sitiyasion’w. Ou pé mandé krétjen ki ni lèspérians endé’w osi.
3. Réfléchi asou konsékans désizion’w anlè konsians-ou épi konsians lézòt.
-
-
Koumanniè moun mayé pé ni tjè-kontan ?Viv an bèl lavi pou toujou ! (An létid Labib ki pé pwofité’w)
-
-
6. Rézoud pwoblèm mariyaj-ou
Piès mariyaj pa pawfé. An mari épi madanm-li pou travay kantékant pou rézoud pwoblèm-yo. Gadé VIDÉWO-a épi diskité sé kèsion-an ka vini an.
Kisa ka montré yo chak la, mari-a épi madanm-lan té pran bò-yo ?
Kisa yo fè pou rann mariyaj-yo pli fò ?
Li 1 Korentjen 10:24 épi Kolosien 3:13. Apré lèkti chak vèsé, diskité kèsion-tala :
Koumanniè sé konsèy-tala pé rann an mariyaj pli solid ?
Labib-la ka di, fòk yonn ba lòt lonnè. Ou ka ba an moun lonnè, lè ou ka rèspèkté’y épi lè ou janti épi’y. Li Women 12:10 épi diskité sé kèsion-tala :
Ès yonn pou atann anlè lòt pou ba lonnè ? Poutji ?
-
-
Poutji rad-nou épi laparans-nou enpòwtan ?Viv an bèl lavi pou toujou ! (An létid Labib ki pé pwofité’w)
-
-
Chak moun enmen abiyé oben penyen an gou’y. Nou pé chwazi sa nou anvi mété é fè Jéova plézi si nou ka suiv yonn-dé prensip Labib. Annou wè yonn-dé adan sé prensip-tala.
1. Ki prensip pé endé nou chwazi rad nou kèy mété anlè nou ?
Fòk nou « abiyé […] an manniè korèk, épi modèsti èk sajès », épi fòk nou gadé an laparans nikèl ka montré nou « lianné épi Bondié » (1 Timoté 2:9, 10). Annou wè sé prensip-la ki ni adan sé vèsé-tala : 1) Rad-nou pou « korèk ». Ès ou rimatjé adan sé réyinion-nou an, sèvitè Jéova enmen abiyé diféran manniè. Men rad-nou èk manniè nou ka penyen ka gloriyé Bondié-a nou ka adoré a. 2) « Modèsti » ka anpéché nou abiyé an manniè pwovokan oben an manniè ka fè moun gadé nou. 3) « Sajès » ka anpéché nou vini èsklav lanmòd. 4) Laparans-nou dwé toujou montré nou ‘lianné épi Bondié’, sa lé di nou ka adoré vré Bondié-a (1 Korentjen 10:31).
2. Ki éfé laparans-nou ni anlè sé frè é sè-nou an ?
Sa vré, nou ni dwa chwazi sa nou ké mété anlè nou, men fòk nou sonjé ki éfé laparans-nou kéy ni anlè lézòt. Nou ka fè éfò pou nou pa jennen pèsonn, é nou ka fè « sa ki bon ba pwochen-nou pou fè’y plézi, pou endé’y vini pli gran » (li Women 15:1, 2).
3. Ki manniè laparans-nou pé ba lézòt anvi adoré Jéova ?
Nou ka véyé nou toujou bien abiyé, men nou ka fè an éfò èspésial lè nou ka alé réyinion oben lè nou ka préché. Nou pa anvi, manniè nou abiyé anpéché sé moun-lan kouté mésaj-nou an. Okontrè, nou lé i rann vérité-a pli entérésan ankò é i « rann pli bèl lansèyman Bondié » (Tit 2:10).
ANNOU PLI LWEN
Annou wè sa nou pé fè pou rad-nou épi laparans-nou montré nou sé dé krétjen.
Laparans-nou pé montré si nou ka rèspèkté sé moun-lan ki ni lotorité. Menm si Jéova ka wè tjè-nou, laparans-nou dwé montré nou ka rèspèkté’y.
4. An bon laparans ka montré nou ni rèspé ba Jéova
Ki pli gran rézon nou ni di véyé anlè laparans-nou ? Li Sòm 47:2 épi diskité sé kèsion-tala :
Nou ka riprézanté Jéova. Ki éfé sa dwé ni anlè manniè nou ka abiyé kònou ?
Ès ou ka pansé sa enpòwtan sousié kònou di manniè nou ka abiyé lè nou ka alé réyinion, oben lè nou ka préché ? Poutji ou ka di sa ?
5. Prensip pou endé nou bien chwazi
Valè rad-nou, sé pa sa ki ka konté. Sa ki ka konté, sé ki rad-nou nikèl épi adapté a sa nou ka fè a. Li 1 Korentjen 10:24 épi 1 Timoté 2:9, 10. Apré, diskité anlè rézon ki ka pousé nou pa mété rad ki...
two koul oben débrayé.
senntré, transparan oben sèksi.
Menm si sé krétjen-an pa anba Lalwa mozayik ankò, i ka ba nou an ti lidé asou sa Jéova ka pansé. Li Détéwonòm 22:5 épi diskité kèsion-tala :
Poutji fòk pa nou abiyé oben nou penyen an manniè ki ka fè nonm sanm fanm, oben fanm sanm nonm ?
Li 1 Korentjen 10:32, 33 épi 1 Jan 2:15, 16, épi diskité sé kèsion-tala :
Poutji fòk nou véyé manniè nou ka abiyé pa rété antravè gòj vwazen-nou oben frè èk sè lasanblé-a ?
Ki kalté rad sé moun-lan ka mété é ki kalté èstil yo ni la ou ka rété a ?
Ès ou ka pansé, adan, ni èstil ki pa bon pou an krétjen ? Poutji ?
I ni an patjé èstil ki ka fè Jéova plézi.
NI MOUN KA DI : « Man ni dwa abiyé kon man lé. »
Sa’w ka pansé ?
SA’W APRANN
Lè nou ka fè éfò pou ni an bon laparans, nou ka onoré Jéova é nou ka montré nou ka rèspèkté lézòt.
An ti viré gadé
Poutji manniè nou ka abiyé épi laparans-nou enpòwtan ba Jéova ?
Ba yonn-dé prensip ki pé endé nou pran désizion an rapò épi laparans-nou.
Ki éfé laparans-nou pé ni anlè manniè lézòt ka wè vré adorasion-an ?
TIBREN PLIS ANKÒ
Kisa sé moun-lan ka pansé lè yo ka gadé rad-ou ?
Poutji ou dwé bien réfléchi avan ou fè an tatwaj ?
Dòt prensip ki ka endé nou pran bon désizion.
« Ton habillement honore-t-il Dieu ? » (La Tour de Garde, sèptanm 2016)
Manniè an fanm rivé asèpté lézòt ni dwa chwazi pou kòyo.
« Je croyais que la coquetterie était condamnable » (Réveillez-vous !, 22 désanm 2003)
-