Montré sé moun-la kijan sa ou ka di itil ba yo

Pwovèb 3:21

SA POU-W FÈ : Édé sé moun-la ki ka kouté-w la konprann poukwa sa ou ka di ka konsèwné-yo, é montré-yo kijan yo pé sèvi èvè sa yo ka aprann.

KIJAN POU-W FÈ :

• Sonjé sé moun-la ki kay kouté-w la. Mandé-w pou ki rézon yo bizwen tann sé lidé-la ou ka èspliké la, é chèché ki pati a sijé-la ké vréman itil ba yo.

• Édé sé moun-la konprann sa pou yo fè pannan tout sijé a-w. Dépi ou koumansé sijé-la, chakmoun ki ka kouté dwèt di-y : « Sa sé pou mwen ». Montré-yo kijan pou yo apliké chak lidé prensipal ou ka èspliké. Fò sa ou ka di byen prési.