Kayé pou réinyon Vi é ministè—2025 | juiyé

28 JUIYÉ – 3 OUT

PWOVÈB 24

Kantik 38 é priyè | Pawòl pou koumansé (1 min)

TRÉZÒ KI AN PAWÒL A BONDYÉ

1. Vin pli fò pou lè ou ké jwenn éprèv

(10 min)

Grandi an konésans é an sajès (Pw 24:5 ; w23.07 18 § 15).

Kontinyé ni bon labitid èspirityèl menmsi ou dékourajé (Pw 24:10 ; w09-F 15/12 18 § 12-13).

Lè fwa an nou é lanmou an nou pou Jéova fò, sa ka édé-nou woupran doubout an nou (Pw 24:16 ; w20.12 15).

On sè ki ni on maladi ki grav kontan préché dè kaz an kaz èvè zanmi a-y. I ka montré on madanm on biten asi tablèt a-y.

2. Trézò èspirityèl

(10 min)

Pw 24:27 : Ka pwovèb-lasa ka aprann-nou ? (w09-F 15/10 12).

Répons a-w
Ki trézò èspirityèl ou jwenn adan lèkti biblik a simenn-lasa ?

Répons a-w

3. Lèkti a Labib

(4 min) Pw 24:1-20 (th lèson 11)

PRAN MINISTÈ-LA OSÉRYÉ

4. Lè ou ka koumansé on ti kozé

(2 min) ADAN ALÉ É VINI A-W. Ti kozé-la ka bout avan ou ni tan ba moun-la témwagnaj-la (lmd lèson 2 pwen n^o 4).

5. Lè ou ka koumansé on ti kozé

(3 min) DÈ KAZ AN KAZ. (lmd lèson 3 pwen n^o 4).

6. Lè ou ka koumansé on ti kozé

(3 min) TÉMWAGNAJ PIBLIK. Di moun-la kè i pé ni on étid a Labib é lésé on kat « étid biblik » ba-y (lmd lèson 4 pwen n^o 3).

7. Diskou

(3 min) lmd apendis A pwen n^o 11. Tèm : Bondyé ni on biten enpòwtan a di-nou (th lèson 6).

VI A ON KRÉTYEN

Kantik 99

8. Fò yonn édé lòt lèwvwè ni éprèv

(15 min) Ti kozé.

Épidémi, katastwòf natirèl, péyi an boulvès, lagè oben pèwsékisyon pé rivé a nenpòt ki moman. Lè frè é sè an nou ka sibi dé biten konsa, yonn ka édé lòt é yonn ka ankourajé lòt. Men menm lè a pa nou dirèktèman ki ka viv sé biten-lasa, nou ka soufè ansanm èvè frè é sè an nou, é nou ka fè tousa nou pé pou édé-yo (1Ko 12:25, 26).

On séri imaj : Frè é sè ki ka édé lézòt diféran mannyè. 1) Frè é sè ka rèkonstwi on sal di Wayòm kè on katastwòf natirèl té krazé. 2) Frè é sè ka akéyi on manman é fi a-y ki té oblijé kité péyi a yo èvè onlo lanmou. 3) On sè ka mèt on lajan adan on bwèt a ofrann adan sal di Wayòm la. 4) Frè é sè ka ba dòt frè é sè ki té oblijé kité péyi a yo on dèkwa adan on sal di Wayòm. 5) Volontè ka distribiyé pak dlo. 6) On frè ka priyé.

Li 1 Wa 13:6 é Jak 5:16b. Aprésa pozé kèsyon-lasa :

Lè sèwvitè a Bondyé ka priyé pou lézòt, poukwa sa ni on éfé ki fò toubònman ?

Répons a-w

Li Mawk 12:42-44 é 2 Korentyen 8:1-4. Aprésa pozé kèsyon-lasa :

Menmsi nou pa ni onlo lajan, é kè sé titak ofrann sèlman nou pé fè pou édé frè é sè an nou toupatou si latè ki ka jwenn bout-rèd, poukwa fò pa sa anpéché-nou pawtisipé ?

Répons a-w

Montré VIDÉO-la Yo ka édé frè a yo. Aprésa pozé sé kèsyon-lasa :

Ki sakrifis plen lanmou frè an nou fè pou édé sé frè-la ki ka viv dé koté aktivité an nou entèwdi an Éwòp dè Lès ?

Répons a-w
Lè yo entèwdi aktivité an nou, kijan frè é sè an nou kontinyé réini-yo é ankourajé-yo, kon Jéova ka mandé-nou fè-y ? (Éb 10:24, 25).

Répons a-w