-
A ki moman Bondyé ka konsidéré kè on moun pwòp ?Ou pé ni tchè-kontan pou touttan ! (On étid biblik ki ké fè-w dibyen)
-
-
4. Ka nou pé fè pou nou lagé on mové labitid
Grasa Jéova, nou pé lagé on mové labitid.
Si ou ka fimé oben si ou ka dwogé, sèten ou sav kè sé dé biten moun pa’a lagé konsa. Ka ki pé édé-w arété ? Réfléchi tibwen pou vwè ki mové biten sa ka menné ba-w. Li Matyé 22:37-39 é fè on ti kozé asi kèsyon-lasa : Si on moun ka fimé oben i ka dwogé, kijan sa ka aji...
asi lanmityé a-y èvè Jéova ?
asi fanmi a-y é lantouraj a-y ?
Préparé-w byen konm i fo pou ou gangné konbaa. Gadé VIDÉO-la.
Li Filipyen 4:13 é fè on ti kozé asi kèsyon-lasa :
Lè on moun ka goumé èvè on mové labitid, siwvwè i ka priyé, siwvwè i k’ay réinyon é siwvwè i ka étidyé Bib a-y, sa ké édé-y. Kijansa ?
5. Kijan nou pé goumé èvè tout mové lidé é èvè tout mové konduit ki tini
Li Kolosyen 3:5 é fè on ti kozé asi sé kèsyon-lasa :
Jéova pa enmé lè moun ka gadé biten pòwno, lè yo ka voyé sèkstob oben lè yo ka batdous, paskè pou-y sé dé biten ki pa pwòp. Kijan nou fè sav sa ?
Lè nou ka gadé sa Jéova ka mandé-nou pou nou pé sa ni on konduit ki pwòp, ès sa pa two rèd a fè ? Poukwa ou ka di sa ?
Lèwvwè on lidé ki pa pwòp bizwen rantré an lèspri an nou, ni mwayen nou fè-y vòlkannizé. Gadé VIDÉO-la.
Jézi sèvi èvè on ègzanp pou montré-nou ka pou nou fè pou nou ni on konduit ki pwòp. Li Matyé 5:29, 30 é fè on ti kozé asi kèsyon-lasa :
Jézi pa té ka di kè fò-nou maltrété kò an nou men i té vlé di kè fò-nou sav sa nou vlé é kè fò-nou byen désidé a aji. Si on moun vlé woté mové lidé an tèt a-y, ki dispozisyon séryé i pé pranc ?
Si ou ka goumé pou ou rivé about a mové lidé ki ka pasé an lèspri a-w, mèt an tèt a-w kè Jéova ka vwè tout éfò a-w. Li Sòm 103:13, 14 é fè on ti kozé asi kèsyon-lasa :
Si ou ka goumé pou ou lagé on mové labitid, kijan sé vèwsé-lasa pé ba-w fòs pou ou kontinyé konba-la ?
É si ou viré tonbé ankò, woupran doubout a-w, kontinyé goumé !
«Konm an pa’a rivé, ban’an arété èvè sa !» Sé sa on moun ki ka viré tonbé pé rivé a di. Men an-nou pran ègzanp a on moun ki ka kouri maraton. A pa paskè i tonbé, i oblijé pèd kous oben i oblijé viré pran dépa. Menmjan-la, a pa paskè ou viré fè menm érè-la, savédi ou pèd konba. É sa pa vé di kè tout sé pwogré-la ou ja fè la, sé biten initil. An réyalité, près tout kourè ka tonbé. Sa pé rivé nenpòt ki moun. Alò, pa dékourajé ! Papa Jéova la èvè-w pou sipòté-w é i ké édé-w rivé about a mové labitid-la ou ni la.
-
-
Lè Labib ka palé dè alkòl, ka i ka di ?Ou pé ni tchè-kontan pou touttan ! (On étid biblik ki ké fè-w dibyen)
-
-
6. Si ou ni dimal a arété bwè, ka ou pé fè pou ou pèd vyé labitid-lasa
An-nou vwè ka ki édé on misyé arété bwasonné. Gadé VIDÉO-la é fè on ti kozé asi sé kèsyon-la ki ka vin la.
Kijan alkòl-la té ka aji asi Dmitry ?
Èskè i arété bwè o prèmyé kou ?
Kijan i fè pou arété bwasonné onfwa pou tout ?
Li 1 Korentyen 6:10, 11 é fè on ti kozé asi sé kèsyon-lasa :
Lè on moun ka bwasonné, ki gwo déga sa pé fè ?
Ka i ka montré kè on moun ki ka bwè twòp pé chanjé ?
Li Matyé 5:30 é fè on ti kozé asi kèsyon-lasa :
Lè yo ka di-nou « koupé men an nou », sa vlé di kè fò-nou lagé sèwten biten pou fè Jéova plézi. Ka ou pé fè si ou ni pwoblèm èvè alkòla ?
Li 1 Korentyen 15:33 é fè on ti kozé asi kèsyon-lasa :
Si ou ka frékanté moun ki ka bwè twòp, ka ki pé rivé-w ?
-