Mété-w anplas a moun-la

Ègzanp a Jézi

VIDÉO : Jézi ka pran penn a on foulmoun

1. Gadé VIDÉO-la oben li Mawk 6:30-34. Aprésa réfléchi asi sé kèsyon-lasa :

1. Poukwa Jézi é apòt a-y té bizwen rété on timoman tousèl a yo ?

2. Ka ki pousé Jézi anségné sé moun-la ?

Sa ègzanp a Jézi ka aprann-vou

2. Fò ou mété-w anplas a sé moun-la ; sé vré, ou anvi préché bon nouvèl-la ba yo, men fò ou édé-yo osi lè yo bizwen.

Pou imité Jézi…

3. Kouté moun-la byen. Lésé-y palé é pa koupé-y. I ké kontan si ou ka kouté sa i ka di, ki sé lè i ka palé dè limenm, dè sa i ka pansé, oben dè sa i ka rèsanti.

4. Réfléchi asi sitiyasyon a moun-la. Lè ou ka sonjé sa ou ja palé èvè-y, mandé-w :

1. « Poukwa moun-lasa bizwen tann sé vérité biblik la ? »

2. « Ki bon biten étid a-y pé pòté ba-y dépi konnyéla, é kijan sa pé édé-y dèmen ? »

5. Chwazi on sijé ki itil ba moun-la. Dépi sa posib, montré-y kè étid a-y ké édé-y. I ké touvé répons a kèsyon i ka pozé-y é détwa konsèy ki ké itil ba-y osi.