1. Kimoun ki Jézi ?

Jézi sé on zanj puisan ki ka viv an syèl-la. Sé-y prèmyé Bondyé kréyé, é i kréyé-y avan tout biten. Sé pousa adan Labib, yo ka kriyé-y « prèmyé kréyasyon a Bondyé » (Kolosyen 1:15). Adan Labib, yo ka di osi kè Jézi sé « sèl Gason » a Bondyé, pas sé li tousèl Jéova kréyé dirèktèman (Jan 3:16). Jézi travay men-dan-lamen èvè Pap’a-y pou i té édé-y kréyé tout sélézòt biten-la (li Pwovèb 8:30). Jousalè, Jézi é Jéova bon bon zanmi menm ! I té ka sèvi Bondyé pòt-pawòl, é i toujou fè travay-lasa byen konm i fo. Dayè pou yonn, Labib ka kriyé-y « Pawòl-la », pas i té ka fè moun konnèt mésaj a Bondyé é komandman a-y (Jan 1:14).

Konm Adan é Èv dézobéyi, noutout ka touvé-nou anba jouk a péché-laa, noutout ka soufè, é noutout ka mò. Men tout krab-la pa mò an bari-la ! Jéova voyé gason a-y Jézikri asi latè pou i té mò pou nou, é konsa, i woté-nou anba jouk a péché-la é anba jouk a lanmò. Labib ka di kè lè Jézi mò, i péyé on ranson. On ranson sé pri-la ou ka péyé la pou libéré on moun. Pri-la Jézi péyé la pou i té pé sa woté-nou anba jouk a péché-la é anba jouk a lanmò sé vi a-y antankè nonm pawfè (li Matyé 20:28). Si nou byen gadé, Jézi té andwa viv pou touttan asi latè. Men pou nou pé sa rékipéré sa Adan é Èv pèd, i désidé mò pou nou. Anplisdisa, i montré kè li é Jéova enmé-nou fò toubònman. Lèson-lasa ké édé-nou ni plis rèkonésans ankò pou sa Jézi fè pou nou.

1. Ka mò a Jézi ka pòté ban nou dépi konnyéla ?

Konm nou anba jouk a péché-la, nou ka fè onlo biten ki ka fè Jéova lapenn. Men ni mwayen nou rété bon bon zanmi èvè Bondyé kanmenm. Pousa, fò-nou ka règrété sé péché-la nou fè la poudèbon, fò-nou ka mandé Bondyé padon an non a Jézikri é fò-nou ka fè tousa nou pé pou nou pa woufè menm péché-la ankò (1 Jan 2:1). Mi sa Bib-la ka di : « Kris, on moun jis, mò pou moun ki pa jis onbonfwa, pou woté-zòt anba péché-la é pou menné-zòt owa Bondyé » (1 Pyè 3:18).

2. Ka mò a Jézi ké pòté ban nou plita ?

Jéova voyé Jézi asi latè pou i té sakrifyé vi pawfè la i té ni la é « pou tout moun ki ka montré yo ni lafwa adan-y pa détwi men ni lavi étèwnèl » (Jan 3:16). Lè Adan dézobéyi, sa pòté onlo malè, men talè, grasa jès-la Jézi fè la, Jéova ké réparé tousa. Sa vlé di kè si nou ni fwa adan sakrifis a Jézi, nou ké pé viv pou touttan adan on paradi asi latè (Izayi 65:21-23).

AN-NOU FOUYÉ PI FON

3. Mò a Jézi ka woté-nou anba jouk a péché-la é anba jouk a lanmò

VIDÉO : Poukwa Jézi mò ? (1^é pati) (2:01)

• Ka Adan pèd lè i dézobéyi ?

Li Women 5:12 é fè on ti kozé asi kèsyon-lasa :

• Lè Adan péché, adan ki bab i mété nouchak ?

Li Jan 3:16 é fè on ti kozé asi kèsyon-lasa :

• Poukwa Jéova voyé gason a-y asi latè ?

1. Adan sé té on nonm pawfè. Men konm i dézobéyi, noutout anba jouk a péché-la é anba jouk a lanmò.

2. Jézi sé té on nonm pawfè. Men li pawkont, i obéyi. Kifè, ni mwayen nou sòti anba jouk a péché-la é ni lavi étèwnèl.

4. Jézi mò pou toutmoun

VIDÉO : Poukwa Jézi mò ? (2^èm pati) (2:00)

• Sé onsèl nonm ki mò men ni mwayen toutmoun sové. Kijan sa pé fèt ?

Li 1 Timoté 2:5, 6 é fè on ti kozé asi kèsyon-lasa :

• Adan sé té on nonm pawfè men davwa i péché, noutout ka péché é noutout ka mò. Jézi osi sé té on nonm pawfè. An ki sans nou pé di kè lè i mò, i péyé on « ranson ki ka korèsponn » ?

5. Ranson-la sé pi bèl kado Jéova ja fè-w

Ranson-la sé on kado Jéova fè pou nouchak. Si sé konsa nou ka vwè sa, sa ké édé-nou vin pibon zanmi èvè-y. Li Galat 2:20 é fè on ti kozé asi kèsyon-lasa :

• Pou lapòt Pòl, ranson-la sé té on kado Jéova té fè èspésyalman pou-y. Ka i ka montré sa ?

Lè Adan péché, limenm a-y rantré anba jouk a lanmò é i mèt tout désandan a-y an menm sitiyasyon ki-y. Men Jéova voyé Gason a-y mò pou nou, kifè, ni mwayen nou viv pou touttan.

Toupannan ou ka li sé vèwsé-la ki pi ba la, éséyé imajiné sa Jéova dwèt té ka rèsanti lè i té ka vwè Gason a-y ka soufè. Li Jan 19:1-7, 16-18 é fè on ti kozé asi kèsyon-lasa :

• Lè ou ka pran tan réfléchi asi sa Jéova é Jézi fè pou-w, ka ou ka rèsanti ?

ON TI RÉZIMÉ

Konm Jézi mò, Jéova pé padonné péché an nou é ni mwayen nou viv pou touttan.

Ka ou woutyenn

• Poukwa Jézi mò ?

• Poukwa Labib ka di kè vi a Jézi sé on « ranson ki ka korèsponn » ?

• Ka mò a Jézi pé pòté dè bon ba-w ?

AY GADÉ SA OSI

Lè Jézi bay vi a-y, i té pawfè. Poukwa Labib ka di kè vi-lasa sé on ranson ?

« An ki sans sakrifis a Jézi sé on ‘ranson ki ka libéré onlo moun’ ? » (on awtik ki asi jw.org)

Ès on moun pé di kè dépi i ka kwè an Jézi, i sové ?

« Kijan Jézi ka sové-nou ? » (on awtik ki asi jw.org)

Si on moun fè on péché ki grav, ès Jéova pé padonné-y ?

« Questions bibliques » (Tou dè Gad a 1^é mé 2013 an fransé)

On misyé rivé chanjé pèwsonalité a-y bout-pou-bout. Kijan sakrifis a Jézi édé-y ?

« An pa èsklav a lavyolans ankò » (on awtik ki asi jw.org)

1. Kijan nou pé montré kè nou ka aprésyé sa Jéova é Jézi fè ban nou ?

Labib ka di kè « toutmoun ki ka montré yo ni lafwa adan [Jézi] » ké ni lavi étèwnèl (Jan 3:16). Kijan on moun ka montré i ni lafwa ? Sé vré, i ka kwè an Jézi, men fò i fè plis ki sa. Fò désizyon i ka pran é sa i ka fè ka montré kè i ni lafwa (Jak 2:17). Lè nou ka lésé fwa an nou gidé pawòl an nou é konpòwtasyon an nou, nou ka vin pi bon zanmi èvè Jézi é èvè Pap’a-y, Jéova (li Jan 14:21).