LÈSON 11

Mèt chalè adan sa ou ka di

Women 12:11

SA POU-W FÈ : Palé èvè tout tchè a-w pou ba sé moun-la anvi kouté sa ou ka di é pousé-yo aji.

Lésé ansègnman-la touché tchè a-w. Toupannan ou ka préparé-w, pran tan réfléchi asi enpòwtans a mésaj-la ou kay pòté la. Fè kò èvè sé sous-la byen pou-w pé sa palé èvè tout tchè a-w.
Sonjé sé moun-la ki kay kouté-w la. Pran tan réfléchi asi jan sa ou kay li, oben sa ou kay anségné, ké itil ba lézòt. Chèché a vwè kijan ou pé menné sé lidé-la pou yo ni plis enpòwtans ba sé moun-la ki kay kouté-w la.
Rann sa ou ka di pli vivan. Palé èvè tout tchè a-w. Montré ki asi figi a-w, ki adan jès ou ka fè, sa ou ka rèsanti vréman.

Fè atansyon pou-w pa fè toujou menm jès-la, sa pé distrè sé moun-la ki ka kouté-w la. Fè dé jès ki anrapò èvè sa ou ka di. Mèt chalè adan sa ou ka di, siwtou lè ou ka anségné sé lidé prensipal la, é lè ou ka pousé sé moun-la aji. Si ou ka mèt twòp chalè pannan tout sijé-la, ou pé rivé lasi sé moun-la ki ka kouté-w la.