Aji èvè imilité

Ègzanp a Pòl

VIDÉO : Pòl douvan wa Agripa

1. Gadé VIDÉO-la oben li Akt 26:2, 3. Aprésa réfléchi asi sé kèsyon-lasa :

1. Poukwa nou pé di kè Pòl palé ba wa Agripa èvè imilité ?

2. Ka ki ka montré kè sé Jéova é Pawòl a-y Pòl té ka mèt douvan, plito ki limenm ? (gadé Akt 26:22).

Sa ègzanp a Pòl ka aprann-vou

2. Sé moun-la ké pli anvi kouté-w si ou ka palé èvè rèspé é imilité.

Pou imité Pòl…

3. Rèspékté santiman a sé moun-la. Si ou ka palé konsidi ou konnèt tout biten, sa pé ba moun-la lenprésyon i pa konnèt ayen.

4. Fè ansòt pou moun-la konprann kè sa ou ka anségné ka sòti an Bib-la. Pawòl a Bondyé ni pouvwa touché tchè a sé moun-la. Lè nou ka sèvi èvè Bib-la, nou ka édé-yo ni fwa adan Pawòl a Bondyé, é non adan sa nou ka di.

5. Rété janti. A pa lapenn tèsté èvè moun-la. Siwvwè ou ni imilité, sa ké édé-w rété kalm, é ou ké sav a ki moman pou arété on diskisyon (Pwov. 17:14 ; Tit 3:2). Si ou ka palé èvè dousè, pétèt moun-la ké pi anvi kouté-w ondòt fwa.