Watchtower ONLINE LIBRARY

2 Uea 3:17

Te Baibara ae Tabu te Rairai ae te Aonnaba ae Boou
- 17 bwa e kangai ana taeka Iehova: “Kam na aki nora te ang ao kam na aki nora te karau, ma e na bon on te mwarua aei n te ran,+ ao kam na moi mai iai, ngkami ma ami nanai ni man, ao ami man riki ake tabeua.”’

Itaia 35:7

Te Baibara ae Tabu te Rairai ae te Aonnaba ae Boou
- 7 E na riki te tabo ae mwauteretere imwin te kabuebue bwa te nei ni maunei,
  Ao te tano ae bwatakataka bwa taiani koburake n ran.+
  
  E na riki te uteute ae kiriin, te maunei, ao te aroka ae riiriki n te ran,*
  I nanoni bwangaia tiakaore* ake a momotirawa iai.+

Itaia 41:18

Te Baibara ae Tabu te Rairai ae te Aonnaba ae Boou
- 18 N na karaangai karaanga n taian tabuki aika akea aroka iai,+
  Ao koburake n ran n taabo aika aoraoi.+
  
  N na onika te rereua nakon te nei ni maunei ae mena iai te ran,
  Ao te aba ae akea te ran iai nakon taiani koburake n ran.+