E na manga karaoi* uruakina ni kabane,+

Ao e na karaoa rereuan neiei bwa kaanga Eten,+

Ao rereuana ae aoraoi bwa kaanga ana onnaroka Iehova.+

E na reke te kakatonga ma te kimwareirei i nanon neiei,

Ao te katituaraoi ma te anene ae tangiraoi.+

13 E na rikirake te kai ae te mwaiango n oneani mwin aroka aika kateketeke,+

Ao e na rikirake te aroka ae te motere n oneani mwin te uteute ae kateketeke ae kammaraki,

Ao e na karekea kakannaton* Iehova,+

Ae te kanikina ae akea tokina ae e na aki maunanako.”