Taian Areru
Te kaetieti nakon te mataniwi n te anene, i aoni Mutiraben.* Ana anene Tawita.
א [Areba]
9 N na karaoiroiko Iehova, ma nanou ni kabane.
N na taekin am mwakuri ni kabane aika kamimi.+
ב [Beta]
3 Ngkana a mumun rikaaki akana kairiribai nakoiu,+
Ao a na tatanako ma ni maunanako mai mwaim.
4 Bwa ko anganai te kaetitaeka ae riai ao ko tei ibukiu
Ko tekateka i aon am kaintokanuea ni motikitaeka n te raoiroi.+
ג [Kimera]
5 Ko boaiia natannaomata+ ma ni kamaunaia aika buakaka,
Ni kamaunai araia n aki totoki.
6 E uruaki n aki toki aroia taani kairiribai,
Ko taewakai aia kaawa,
Ao a na mauna uringaia ni kabane.+
ה [Ee]
7 Ma e tekateka Iehova i aon te kaintokanuea n aki toki,+
E katea ana kaintokanuea ni kamatoaa ibukin te kaetitaeka ae riai.+
8 E na motiki taekaia kaain te aonnaba* n te raoiroi,+
E na anga mooti aika raraoi aika eti i aan te tua nakoia natannaomata.+
ו [Wau]
9 E na riki Iehova bwa te tabo ni kamanomano ae mano raoi* ibukia aika karawawataaki,+
Ae te tabo ni kamanomano n tain te rawawata.+
10 A na onimakiniko te koraki aika ataa aram,+
Ko na bon aki kaaki taekaia akana ukoukoriko, ngkoe ae Iehova.+
ז [Taiin]
11 Anene n neboa Iehova ae maeka i Tion,
Kaotiotii ana mwakuri i buakoia botannaomata.+
ח [Eta]
13 Ko na akoai Iehova, nora karawawataau irouia te koraki aika riribaai
Boni ngkoe ae ko kateirakeai mani mataroan oon te mate,+
14 Bwa I aonga n tataekin am mwakuri aika riai ni kamoamoaaki ni mataroan ana oo natin Tion ae te aine,+
Ao ni kimwareirei n am mwakuri ni kakamaiu.+
ט [Teta]
15 A bwaka natannaomata nako nanon te mwarua are a karaoia,
E a manga reke waeia n te karaun are a karabaa.+
16 E ataaki Iehova n ana motikitaeka are e karaoia.+
E a manga boni mwane te aomata ae buakaka n oin ana mwakuri baina.+
Ikaion.* (Tiera)
י [Iote]
17 A na mumun rikaaki akana buakaka ni kaineta te Ruanimate,*
Aika natannaomata ni kabane aika mwaninga taekan te Atua.
18 Ma a na aki mwanuokinaki n taai nako akana maiu ni kainnano,+
Ao e na aki mauna naba aia kantaninga akana nimamannei.+
כ [Kabe]
19 Ko na teirake ngkoe ae Iehova! Tai kariaia bwa e na tokanikai te aomata ae mamate.
A bia motikaki taekaia natannaomata i matam.+
20 Kakamaakuia ngkoe ae Iehova,+
Ke a na ataia natannaomata ae bon tii aomata ngaiia aika mamate. (Tiera)