Amota
5 “Tibun Iteraera, ongora n te taeka ae I tabekia n ekingkami nako iai bwa te anene ae kananokawaki,* ae kangai:
2 ‘E a bwaka te teinnaine ae te natannaomata ae Iteraera,
E a aki kona ni manga teirake.
E a kitanaki n oin abana,
Bon akea temanna ae e na kateirakea.’
3 “Bwa e kangai ana taeka te Uea ae Moan te Rietata ae Iehova:
‘Te kaawa ae mwaati n otinako ma taani buaka aika teuana tenga, e na tiku ma tii tebubua,
Ao ane e otinako ma tebubua e na tiku ma tii tengaun. Aei te bwai ae e na riki nakoia tibun Iteraera.’+
4 “Bwa e kangai ana taeka Iehova nakoia tibun Iteraera:
‘Ukoukorai ao kam na teimatoa ni maiu.+
5 Tai ukoukora Betaera,+
Tai nako Kirekara+ ke n riaon te tia nako Beerateba,+
Bwa e na bon taenikai Kirekara,+
Ao e na akea manenani* Betaera.
6 Ukoukora Iehova ao kam na teimatoa ni maiu,+
Bwa e aonga n aki rebwetaua n aron te ai i aoia tibun Ioteba,
Ni kabueka Betaera, ao akea ae e kona n tiringnga.
8 Teuare karaoa te nna n itoi ae Kimwa* ao te nna n itoi ae Keeti,*+
Teuare bita te rotongitong ae korakora nakon te moaningabong,
Teuare karaoa te ngaina bwa e na roo n aron te bong,+
Teuare wetea ranin taari
Bwa e na kabwaroa i aon te aba,+
Bon Iehova arana.
9 E na karokoa te urubwai bwa e na ekiianako akana korakora,
Ao e na karokoa te kamaunaaki i aon taabo aika nonoaki.
10 A ribaiia te koraki ake a boaa te aba ni mataroan oon te kaawa,
Ao a riribaiia te koraki ake a atoatonga te koaua.+
11 Kam na aki teimatoa ni maeka n auti aika karaoaki man atibu aika ekeaki ake kam katei,+
Ao kam na aki naba nima te wain man taiani nne ni kureebe aika rangi n raoiroi ake kam katauraoi,+
Ibukina bwa kam kairoroa boon tangoan* te tabo n ununiki mairoun ane e maiu ni kainnano,
12 Bwa I atai mwaitin ami karitei,*
Ao kakaiakin ami bure,
Kam karawawataia akana raoiroi,
Kam ananai bwaai ni kamaraato,*
Ao kam kakeai inaomataia akana maiu ni kainnano ni mataroan oon te kaawa.+
13 Mangaia ae a na teimatoa ni kainabwabu akana ataibwai n te tai anne,
Bwa e na riki bwa tain te kabuanibwai.+
Ane e na memena iroumi Iehova ae Atuaia taanga ni buaka,
N aron are kam taku ibukina.+
15 Ribaa te bwai ae buakaka ao tangira te bwai ae raoiroi,+
Ke e tokanikai te kaetitaeka ae riai ni mataroan oon te kaawa.+
Tao ane e na akoiia nikiraia tibun Ioteba+
Iehova ae Atuaia taanga ni buaka.’
16 “Mangaia ae aio ana taeka Iehova ae Atuaia taanga ni buaka, e kangai Iehova:
‘E na iai te tanginiwenei ni maraen nako te kaawa,
Ao a na kangai i nanoni kawai ni kabane, “Akea ngaira, akea ngaira!”
A na weweteiia taan ununiki bwa a na nanokawaki,
Ao taan nanokawaki aika mwaatai bwa a na tanginiwenei.’
17 ‘E na iai te tanginiwenei n taiani nne ni kureebe nako,+
Bwa N na ribuakomi,’ bon ana taeka Iehova.
18 ‘A na reke kaia akana ingainga nakon ana bong Iehova!+
Tera ae kam kariaa bwa e na riki n ana bong Iehova?+
E na bon rotongitong, ao e na akea te oota.+
19 E na riki bwa ai aron te mwaane ae birinako mairoun te raian ao e na kaitiboo ma te bea,
Ao ngke e rin n ana auti ao ni kararaa baina ma te oo, ao e a tenaia naba te naeta.
20 Tiaki e na rotongitong ana bong Iehova ao e na aki oota,
Ao tiaki e na roo ma n aki oota?
21 I ribai, ao I riribai ami toa,+
Ao I aki kukurei ni boin ami karea n ami bobotaki aika okoro.
22 E ngae ngkana kam karean nakoiu karea ni kabuekaki aika bwanin ma karea aika bwaai n tituaraoi,
Ma N na bon aki kukurei ni baikanne,+
Ao N na aki mutiakin ami karea n raoi* aika maan aika kamarikaaki.+
23 Katoka aneneakini kunami aika karongoa,
Ao kariaia bwa N na aki ongo tangin ami bwai ni katangitang aika iai karaiia.+
24 Ke e raanga rikaaki te kaetitaeka ae riai n aron te ran,+
Ao te raoiroi n aron te karaanga ae raanga n aki toki.
25 Tibun Iteraera, te koaua bwa kam uouotii nakoiu taiani karea ma karea aika bwaai n tituaraoi,
I nanon ririki ake 40 n te rereua?+
26 Kam na uotaanako ngkai Tiakuta are ami uea ma Kaiwan,*
Ake ami bouannanti, are ana itoi atuami, are kam boni karaoi ibukimi.
27 Ao N na kanakoingkami bwa taenikai nakon te aba ae raroanako ma Tamateko,’+ bon ana taeka teuare arana Iehova ae Atuaia taanga ni buaka.”+