Taeka N Rabakau
2 Ngkana e roko te kan rarabakau ao e na taorimwiaki n te kamaamaeaki.+
Ma e mena te wanawana irouia akana nanorinano.+
3 A kairaki akana raoiroi n etin aroia,+
Ma a na kamaunaaki akana mwamwanaa te aba n oin aia babakanikawai.+
4 Akea manenan te kaubwai* ni bongin te un ae korakora,+
Ma te raoiroi e na kamaiua te aba man te mate.+
5 E kaeta kawain te aomata ae akea kabuakakaana oin raoiroina,
Ma e na bwaka ane e buakaka ibukin oini buakakana.+
6 A na kamaiuaki akana bwabwaina te eti ibukin raoiroia,+
Ma a na mwane akana mwamwanaa te aba ni baika a bwarui.+
7 Ngkana e mate te aomata ae buakaka, ao e mauna ana kantaninga,
Ao a mauna naba baika e kariai aika boto i aoni korakorana.+
8 E kamaiuaki man te rawawata te aomata ae raoiroi,
Ao e onea mwina te aomata ae buakaka.+
9 E urua aron raona n aomata ni wina te tia tannako man te koaua,*
Ma a kamaiuaki n te atatai akana raoiroi.+
10 A kakatonga kaain te kaawa n raoiroia akana raoiroi,
Ao e tang ni kimwareirei te aba ngkana a mauna akana buakaka.+
11 E karietataaki te kaawa ngkana a kakabwaiaaki akana raoiroi,*+
Ma e kabwakaaki ni wia akana buakaka.+
12 E kaotiota ribaan* raona te aomata ae aki ataa ae riai,*
Ma e teimatoa ni kainabwabu te aomata ae ataibwai ni koaua.+
13 E ririaki te tia uarao ni kaotiotii rongorongo aika aki riai n ataaki,+
Ma e aki kaota te rongorongo ae raba* te aomata ae kona n onimakinaki.
14 Ngkana akea te kairiri mairoun te aomata ae mwaatai,* ao a bwaka aomata,
Ma e reke te nakoraoi* rinanoia taan anga te taeka n reirei* aika bati.+
15 Ane e riki bwa te tia kaboomwi* n ana tangomwane te ianena ao e na bon rotakibuaka iai,+
Ma e na mano raoi ane e rawa n* iobai ni boraraoi ibukin te bwai ni kakoaua.
16 E karekea te karineaki te aine ae atataiaomata,*+
Ma a taua te kaubwai mwaane aika akea aia nanoanga.
17 E kakabwaiaa i bon irouna te mwaane ae akoi,*+
Ma e karekea n te kangaanga* i bon irouna te aomata ae iowawa.+
18 E reke te bwakabwai ae mwamwanaa te aba iroun te aomata ae buakaka,+
Ma e karekea te kaniwanga ni koaua te aomata ae unika te raoiroi.+
19 Te aomata ae tei n nene ibukin te raoiroi e na reke irouna te maiu,+
Ma ane e kaea te buakaka ao e na reke irouna te mate.
20 A riribaaki iroun Iehova te koraki aika babakanikawai i nanoia,+
Ma a kakukureia nanona te koraki aika akea kabuakakaaia.+
21 Kakoauaa raoi aei:* E aki kona n aki katuuaaeaki te aomata ae buakaka,+
Ma a na reke birinakoia natiia aomata aika raoiroi.
22 Te aine ae baaraoi ae rawa nakon ataakin ae riai,
Kaanga ai aron te mwamwa ae te koora ni bwairin te beeki.
23 Te bwai ae a tangiria akana raoiroi e kairiri nakon te raoiroi,+
Ma aia kantaninga akana buakaka e kairiri nakon te un ae korakora.
24 E tituaraoi* n anganga temanna ao n tokina e a karekea ae bati riki,+
Ao are temanna e taua te bae riai n anga, ma n tokina e a karako ana bwai.+
26 Ane e aki anga te uita* ao a na kamaraiaa aomata,
Ma a na kakabwaiaa ane e kaboonakoa.
27 Ane e kakorakoraa n ukoukora karaoan ae raoiroi, ao e ukoukora te akoaki,+
Ma ane e ukoukora ae buakaka, ao bon anne ae e na reke irouna.+
29 E na bwaibwai n te akea* ane e kakarekea te kangaanga* nakoia kaaini batana,+
Ao e na toronaki ane e nanobaba iroun ane e wanawana.
31 Ngkana e boni kabooaki mwin ana mwakuri te aomata ae raoiroi i aon te aba,
Ao ai batira riki ngkanne nakon te aomata ae buakaka ma te tia bure!+