Taian Areru
Te kaetieti nakon te mataniwi n te anene: kaboraoa taekana ma “Te Ria Aine ae Manin te Karangaina.”* Ana anene Tawita.
22 Atuau, Atuau, e aera ngkai ko a kitanai?+
E aera ngkai ko kararoaa kamaiuau,
Ao n raroa man tangiu ni maraki?+
2 Atuau, I teimatoa ni wewete n te ngaina ao ko aki kaeka,+
Ao I aki kona ni kainabwabu n te bong.
6 Ma bon te mwata ngai ao tiaki te aomata,
I bwainingareaki* irouia mwaane ao I ribaaki irouia aomata.+
7 A kakanikoai+ aomata ni kabane ake a norai,
A bwainingare ao a ioioi atuia ni kairiribai+ ao a kangai:
8 “E katuka mwiokona iroun Iehova. Ke E kamaiua!
Ke E kamaiua, bwa e rangi n tangiria te Atua!”+
9 Boni Ngkoe are ko kaotinakoai man te biroto,+
Ao Teuare anganai namakinan te mano raoi i aoni mamman tinau.
10 I katukaki i aan am tararua* mangke I bungiaki,
Ko a kaman riki bwa Atuau mai biroton tinau.
12 A bati kaao mwaane aika ataei aika otabwaniniai.+
A katobibiai kaao mwaane aika korakora mai Batian.+
14 I a kabwaroaki n ai aron te ran,
A a bane n tibanako riiu.
15 E a mwautakataka korakorau n ai aron te maibi ni kaatibu,+
E a nim neweu ma ngangarakeu,+
Ko a karuoai rikaaki nakon te mwarua bwa N na mate iai.+
16 Bwa a otabwaniniai kamea.+
17 I kona ni wareki riiu ni kabane.+
A mataku ao a karekea taraau.
18 A tibwatibwai au kunnikai i marenaia,
Ao a karaoa te ananga ni katekeraoi ibukini kunnikaiu.+
19 Ma ngkoe ae Iehova, tai teimatoa ni kararoako.+
Boni korakorau ngkoe, ko na bareiko ni buokai.+
21 Kamaiuai mai win te raian+ ao mani koroia kaao mwaane aika moaanti,
Kaekaai ao kamaiuai.
23 Ngkami aika kam maaka Iehova, karaoiroia!
Ngkami aika kanoan* Iakoba ni kabane, neboia!+
Teei ni karinea ngkami aika kanoan* Iteraera ni kabane.
24 Bwa e aki ribaa ke n taboribaa rawawatan te aomata ae karawawataaki,+
Ao e aki karabaa matana mairouna.+
Ao e ongo ngkana e tang nakoina ni kani buokaki.+
25 N na karaoiroiko i buakon te botaki n aomata ae rangi ni bati kaaina,+
N na kakororaoi au taeka ni bau i mataia te koraki ake a maakua.
Kam bia karekea te maiu* n aki toki.
27 A na uringa Iehova ao n rairaki nakoina kaain tabon aonnaba ni kabane.
A na bane ni bobaraaki i matam aia utu natannaomata.+
28 Bwa bon ana bwai Iehova te nakoa n uea,+
E tautaeka i aoia natannaomata.
29 A na bane n amwarake aomatan te aonnaba aika kaubwai,* ao a na bobaraaki.
A na katorobubua i matana te koraki nako ake a ruo rikaaki nakon te tano,
Akea i buakoia ae e kona ni kateimatoai maiuia.*
30 A na toro kanoaia* irouna,
Ao te roro ae e na roko, e na kaongoaki taekan Iehova.
31 A na roko ao a na taekina raoiroina.
A na tuangia aomata ake a na bungiaki, taekan te baere e karaoia.