Taian Areru
Te Anene n Ararake.
126 Ngke e kaokiia te koraki ake a taenikai Iehova nako Tion,+
Ao ti taku bwa ti mii.
2 N te tai anne ao e on wira n te ngarengare,
Ao newera n te takarua ni kimwareirei.+
N te tai anne ao a kangai natannaomata i marenaia:
“E karaoi baika kakannato Iehova ibukia.”+
3 E karaoi baika kakannato Iehova ibukira,+
Ao ti rangi ni kimwareirei.
4 Iehova, kaokiia ara koraki aika taenikai,
N aron taiani karaanga n te Nekebo.*
5 Te koraki ake a uniki koraa ma rannimataia
A na tai ma te takarua ni kimwareirei.